Саха сирин суруналыыстарын сойууһун 24 кэмпириэнсийэтэ ыытылынна

26

Бэбиэскэҕэ общественнай тэрилтэ аатыгар уларытыыны киллэрии, бырабылыанньа отчуота, саҥа састааба, хонтуруоллуур хамыыһыйаны талыы боппуруостара турдулар. Оттон көрсүһүү сүрүн чааһынан, Саха сирин суруналыыстарын сойууһун бэрэссдээтэлн талыы буолла.

"Биһиги саҥа суруналыыстар бырабылыанньатын бэрэссэдээтэлин таллыбыт. Олег Олегович Марков өр сылларга Саха телевидениетын, радиотын, көрдөрөр-иһитиннэрэр национальнай компанияны салайбыт биллиилээх суруналыыс буолар. Кини бэйэтэ, чахчы даганы, суруналыыстыка эйгэтигэр уонна бу салааҕа үлэлиир дьону салайан, буһан-хатан үлэлии сылдьар киһи быһыытынан, саҥа талыллыбыт састаапка күүстээхтик үлэлиэҕэ диэн биһиги эрэнэбит. Онтон 2008 сылтан, 15 сыл устата биһиги союзпутун салайан кэлбит Галина Алексеевна Бочкарева чахчы даҕаны, саха суруналыыстыкатын сайдыытыгар дьоһун кылаатын киллэрэн кэллэ”, - диэн "Саха" НКИК радионан биэриигэ дирекциятын шеф-редактора Альбина Тарабукина сырдатта.

Тэрээһиҥҥэ бэчээт, телевидение, радио, интернетинэн таһаарыы эйгэ үлэһиттэрэ кыттыыны ыллылар. Итиэннэ бочуоттаах ыалдьыт быһыытынан Россия суруналыыстарын сойууһун бэрэссэдээтэлин солбуйааччы Алексей Вишневецкай кэллэ. Бэлиэ тэрээһин иитинэн, идэлэригэр бэриниилээх, үрдүк көрдөрүүлээх суруналыыстарга наҕараадалары туттардылар.