Дьокуускайга тыа хаһаайыстыбатын оҥорон таһаарааччыларын сийиэһэ буолла
Главное
-
23 апреля в 14:57В Якутии инспекторы ГИМС проводят профилактические рейды
-
23 апреля в 14:41Якутские ученые обсудили актуальные вопросы таяния льдов и изменения климата
-
23 апреля в 14:343 тысячи гектаров сельхозугодий восстановят в Якутии в 2024 году
-
23 апреля в 14:20В Якутске начался завершающий этап масштабной реконструкции проспекта Ленина
Аграрийдар икки күн устата тустаах салаа сайдыытын, бородууксуйаны оҥорон таһаарыы кыһалҕаларын тула кэпсэттилэр. Инники үлэлэрин торумнаатылар. Маныаха сүрүн болҕомтону кэтэх хаһаайыстыбаларга уурдулар. Ол курдук, чааһынай хаһаайыстыбалаахтары биир кээпэрэтиипкэ холбуур туһунан этии киллэрдилэр.
“Бастакы блокка саҥа механизм, болномуочуйа биэрээһин боппуруостара, көрүллүннүлэр уонна бу тыа хаһаайыстыбатын управлениятын специалистарын үлэлэрин-хамнастарын боппуруостарыгар быһаарыстыбыт. Иккис блокка Бүтүн Россиятааҕы Агроконтроль тэрилтэтэ кэлэн, биһиги тыа хаһаайыстыбабыт бородууксуйатын оҥорор кооперативтарбытыгар улахан көрсүһүүлэри, конференция оҥордо. Уонна билигин кооперация сокуоннарыгар туох уларыйыы-тэлирийии буола турарын, туох кыһалҕалар баалларын, ол кыһалҕалары хайдах көннөрөр туһунан кэпсэтиилэр буоллулар. Үһүс блокпут Российскай Федерация уонна биһиги бырабыытылыстыбабыт өттүттэн, тыа хаһаайыстыбатын салаатыгар судаарыстыбыннай көмөлөр оҥоһуллуулара, бу манна, холобур, инники өттүгэр өссө туох уларыйыылар буолуохтарын сөбүн дьүүллэстибит”, - диэн СӨ тыа хаһаайыстыбатын миниистирэ Александр Атласов иһитиннэрдэ.
Манна даҕатан эттэххэ, Саха сиригэр аграрнай эйгэни сайыннарыы инники күөҥҥэ турар. Сыллата тыа хаһаайыстыбатын хаҥатыыга судаарыстыба өттүттэн көмө көрүллэр. Фермердэргэ аналлаах бырагырааммалар үлэлииллэр. Оттон сийиэс түмүгүнэн салгыы хайдах былааннаахтык үлэлиир туһунан резолюция ылыллыаҕа.