Хабаровскай кыраайтан Саха сиригэр 25 таба айаннаан кэллэ
Главное
-
8 июля в 11:19Новая автозаправочная станция открыта в селе Ытык-Кюёль Таттинского района
-
8 июля в 11:10Смена "Время юных героев" на Дальнем Востоке собрала 300 детей из 15 регионов России
-
8 июля в 10:42В Якутии провели мониторинг популяции диких северных оленей
-
8 июля в 10:27Продукция Якутского хлебокомбината получила знак "Сделано в России"
Табаларын эһэн эрэр Карамзиннар дьиэ кэргэн Эдьигээн оройуонун эбэҥки «Энеси Халан» родобуой общинатыгар табаларын туттардылар. Ыаллыы сытар регионтан 25 таба сиринэн камаз массыыналарынан айаннаан кэллилэр. Сыралаах тэрээһини Эдьигээн эбэҥкилэрин общинатын бэрэссэдээтэлэ Раиса Ильинова иилээн-саҕалаан ыытта. Киниэхэ тыа хаһаайыстыбатын министиэристибэтэ, «Кындыкаан” айар холбоһук уонна "Биир ньыгыл Россия" баартыйата көмөлөстө. Онон Раиса Ильинова эһэтэ, табатын үөрүн 25 төбөнөн толорон биэрэр ыра санаата туолла.
«Билигин муус устарга төрүүллэр. Бырайыак өттүнэн ыччаты тардарга, престиһын үрдэтэргэ, табаһыттары сайыннарарга диэн. Билигин, холобур, ыччат кыбыстар табаһыппын, табаһыт оҕотобун диириттэн. Ол оннук суох буоларын курдук, биһиги бырайыагынан сайыннаран, инновационнай саҥа технологиянан таба иитиитин сайыннараары гынабыт», - диэн "Энеси Халан" А.К. Ильинова аатынан эбэҥки общинатын бэрэссэдээтэлэ Раиса Ильинова этэр.
Хабаровскай кыраай удьуор табаһыта Николай Карамзин доруобуйатынан салҕыы табатын иитэр кыаҕа суох. Онуоха хаалбыт табаларын Саха сиригэр ииттэрэ биэрдэ. Кини харамайдарын арыаллаан Дьокуускайга тиийэ кэллэ. Онтон табалар Эдьигээҥҥэ ыам ыйыгар биирдэ тиийиэхтэрэ.
