Саҥа суһал көмө уонна ыарыһахтары таһар массыыналар кэллилэр
Главное
-
31 мая в 14:55В Якутске состоялась Всероссийская конференция для предпринимателей "ЗА-БИЗНЕС"
-
31 мая в 14:34В Якутске на Комсомольской площади прошла "Ярмарка здоровья"
-
31 мая в 13:56В Намском районе состоялось чествование Героя России Александра Колесова
-
31 мая в 13:29В Якутии начинают открываться паромные переправы
Бу күннэргэ Ил Дархан Айсен Николаев өрөспүүбүлүкэ балыыһаларыгар 9 суһал көмө уонна ыарыһахтары таһар 12 массыына күлүүстэрин туттарда. Тимир көлөлөр бары уһук сытар улуустарынан бардылар. Кинилэр Саха сирин тыйыс усулуобуйатыгар анаан-минээн таҥыллан кэллилэр. Массыыналар быраастар туран эрэ үлэлииллэригэр диэн үрдэтиллибиттэр. Лада Нива массыыналарынан ыарыһахтары эрэ буолбакка, эмтэри уонна анализтары эмиэ таһыахтара.
“Суһал ыҥырыыга туттуллар массыына буоллаҕа. Билигин биһиги массыыналарбыт маннык сыыйа уларыйан, 40 быраһыан курдук саҥардыллыннылар. Бырайыак быһыытынан кэлэрэ биһиэхэ үчүгэй. Тоҕо диэтэр, материальнай баазабыт арыый туспан, кэҥээн иһэрэ кэрэхсэнэр”, - диэн Сунтаар улууһун кииннэммит балыыһатын сүрүн бырааһа Анатолий Назаров иһитиннэрдэ.
Бүтэһик 5 сылга, өрөспүүбүлүкэ үрдүнэн суһал көмөҕө диэн 229 массыына, 16 көһө сылдьар пуун уонна 663 үрдүк таһымнаах медицинскэй тэрил ылылынна. Маннык үлэ өссө да инникитин салҕанан бара туруоҕа диэн Ил Дархан Айсен Николаев эттэ.
