Биир кэлим босуобуйа 48 тыһыынча оҕоҕо ананна

Саха сиригэр 48 тыһыынчаттан тахса оҕо биир кэлим босуобуйаны ылар. Оҕолоох, кырыымчык үптээх дьиэ кэргэҥҥэ көмө харчы сокуона киириэҕиттэн уопсайа биир миллиартан тахса суумма ыаллар суоттарыгар киирдэ. Бу туһунан Саха сиринээҕи социальнай фонд салаатыгар иһитиннэрдэ. Контакт-кииҥҥэ нэһилиэнньэттэн ордук элбэхтик сайаапка бэриллибитин кэннэ төһө кэминэн харчы түһэрин туһунан боппуруос киирэр. Биир кэлим босуобуйа ананарын туһунан быһаарыы 10 күн устата ылыллар. Харчы үүммүт ый 3 чыыһылатыттан 25-гэр диэри түһэр.