Сыыппара эйгэтигэр эбии үөрэхтээһин
Главное
-
6 октября в 11:05В Якутске открыли XV студенческий духовно-просветительский форум
-
6 октября в 10:52Новые специалисты пришли в Оймяконскую районную больницу благодаря федеральной программе поддержки медицинских кадров
-
6 октября в 10:36Якутия сохранила 21-е место в Национальном рейтинге состояния инвестиционного климата по итогам 2026 года
-
6 октября в 10:23На VII Северном форуме обсудят вопросы изменения климата
"Цифровая экономика" национальнай бырайыак чэрчитинэн сүрүн үөрэҕи таһынан эбии үөрэнэр кыах бэрилиннэ. Хотугулуу-Илиҥҥи федеральнай университекка бу бырагыраамма көмөтүнэн информационнай технология уобалаһыгар босхо үөрэниэххэ сөп. Билигин эбии үөрэҕи тыһыынчаттан тахса устудьуон ылар. "Цифровые кафедры" диэн бырайыак кыттыылаахтара университекка информационнай, сыыппара эйгэтин араас хайысхатыгар исписэлиис буолан тахсаллар. Манна араас бырагырааммалары оҥорор исписэлиистэн искусственнай өйү-санааны айар исписэлиискэ тиийэ үөрэниэххэ сөп.
Ньургуйаана Пинигина, ХИФУ математика уонна информатика институутун дириэктэрэ: "Бу бырыайыак чэрчитинэн математика уонна информатика институтугар "Программирование на языке Python" диэни үөрэтэбит. Бу манна атын институттартан уонна факультеттартан барыта 100-чэкэ устудьуон кэлэн үөрэнэ сылдьар. Кинилэр бэйэлэрин сүрүн үөрэхтэрин дипломун таһынан программист идэтин ыларга дьулуһаллар. Бу бырайыак олох үчүгэй кыаҕы биэрэр. Аныгы исписэлиистэр бары программированиены сатыыллара наада. Онон бу “Цифровые кафедры” бырайыак олус наадалаах".
Исписэлиистэри үрдүк таһымнаах педагогтар бэлэмнииллэр. Онтон иккис информационнай, сыыппара үөрэҕин устудьуон ханнык баҕарар эйгэттэн кэлэн ылыан сөп.
