Орто анал үөрэх кыһаларын дьиэтин өрөмүөннээһин тэтимнээхтик барыа
Главное
-
19 апреля в 05:58Дорожники закроют автозимник в Вилюйском и Жиганском районах с 20 апреля
-
19 апреля в 05:37Якутия развивает сотрудничество с Акиматом Северо-Казахстанской области
-
19 апреля в 05:185 мостовых переходов будут возведены и отремонтированы в Якутии до конца 2024 года
-
19 апреля в 04:53Глава Якутии встретился с премьер-министром Республики Казахстан
Саха сиригэр 2027 сылга диэри 25 техникум, колледж дьиэлэрин өрөмүөннүөхтэрэ, саҥа тэрилинэн толоруохтара. Бырагыраамма чэрчитинэн сыл аайы 5 орто анал үөрэх кыһата чөлүгэр түһэриллэр буолуоҕа. Бу сылга өрөмүөн үлэтэ Дьокуускайдааҕы сибээс уонна энергетикэ колледжыга, Өлүөхүмэтээҕи техникумҥа уонна Алданнааҕы медициинэ колледжыгар барыаҕа. Ил Дархан сорудаҕынан орто анал үөрэх кыһаларын өрөмүөнүн бырагырааммата бигэргэтилиннэ.
Елена Яковлева, "Айар уустар" Дьокуускайдааҕы креативнай индустрияларга колледж дириэктэрэ: “Орто анал үөрэхтэргэ быйылгаттан саҕалаан болҕомто уурбуттарыттан уонна бастакы испииһэккэ киирбиппититтэн олус диэн үөрдүбүт. Холобура, дьиэбит тас өттүн саҥардыбатахпыт хас да сыл буолла. Онон куорат киинигэр турар үөрэх кыһата тупсаҕай көстүүлэниэ. 1963 сыллаах тутуу буолан сарайбыт тэстэр этэ. Өрөмүөҥҥэ онтубутун оҥоттордохпутуна, ол кыһалҕабыт суох буолуо этэ. Балаҕан ыйын 1 күнүгэр оҕолорбутун саҥардыллыбыт дьиэҕэ сөрсөрбүт буоллар диэн улахан былааннаахпыт”.
Бу сылга өрөмүөннэниллиэхтээх 3 үөрэх кыһатыгар барыта 12 мөлүйүөтнэн тахса суумма көрүлүннэ. Үлэ ыам ыйыгар саҕаланыаҕа уонна балаҕан ыйыгар түмүктэниэҕэ. Кэлэр үөрэх дьылыгар устудьуоннар саҥардыллыбыт дьиэҕэ үөрэнэ киириэхтэрэ.