Орто анал үөрэх кыһаларын дьиэтин өрөмүөннээһин тэтимнээхтик барыа
Главное
-
9 ноября в 00:40Прогноз погоды в Якутии на 9 ноября
-
8 ноября в 15:21Найденный в Усть-Янском районе стерх будет находиться под присмотром специалистов в зоопарке "Орто Дойду"
-
8 ноября в 14:559 ноября в 19:00 смотрите программу "ВМЕСТЕ с Айсеном Николаевым" на телеканале "Россия 24"
-
8 ноября в 14:20Русский театр Якутска представил новую постановку по пьесе Василия Прачёва - "Александр Невский"
Саха сиригэр 2027 сылга диэри 25 техникум, колледж дьиэлэрин өрөмүөннүөхтэрэ, саҥа тэрилинэн толоруохтара. Бырагыраамма чэрчитинэн сыл аайы 5 орто анал үөрэх кыһата чөлүгэр түһэриллэр буолуоҕа. Бу сылга өрөмүөн үлэтэ Дьокуускайдааҕы сибээс уонна энергетикэ колледжыга, Өлүөхүмэтээҕи техникумҥа уонна Алданнааҕы медициинэ колледжыгар барыаҕа. Ил Дархан сорудаҕынан орто анал үөрэх кыһаларын өрөмүөнүн бырагырааммата бигэргэтилиннэ.
Елена Яковлева, "Айар уустар" Дьокуускайдааҕы креативнай индустрияларга колледж дириэктэрэ: “Орто анал үөрэхтэргэ быйылгаттан саҕалаан болҕомто уурбуттарыттан уонна бастакы испииһэккэ киирбиппититтэн олус диэн үөрдүбүт. Холобура, дьиэбит тас өттүн саҥардыбатахпыт хас да сыл буолла. Онон куорат киинигэр турар үөрэх кыһата тупсаҕай көстүүлэниэ. 1963 сыллаах тутуу буолан сарайбыт тэстэр этэ. Өрөмүөҥҥэ онтубутун оҥоттордохпутуна, ол кыһалҕабыт суох буолуо этэ. Балаҕан ыйын 1 күнүгэр оҕолорбутун саҥардыллыбыт дьиэҕэ сөрсөрбүт буоллар диэн улахан былааннаахпыт”.
Бу сылга өрөмүөннэниллиэхтээх 3 үөрэх кыһатыгар барыта 12 мөлүйүөтнэн тахса суумма көрүлүннэ. Үлэ ыам ыйыгар саҕаланыаҕа уонна балаҕан ыйыгар түмүктэниэҕэ. Кэлэр үөрэх дьылыгар устудьуоннар саҥардыллыбыт дьиэҕэ үөрэнэ киириэхтэрэ.
