Быйыл Дьокуускайга 2400 киһи саҥа дьиэлэниэ

23

Бу сылга Дьокуускайга 79 хаарбах туруктаах элбэх квартиралаах дьиэни көтүрүөхтэрэ. Бу туһунан иһитиннэриини куорат баһылыга Евгений Григорьев Ил Дархан Айсен Николаевтыын көрсүһүүтүгэр оҥордо. Хаарбах дьиэлэртэн дьону көһөрүү бырагыраамматын былааннаммыт кэмигэр толорон иһэри Ил Дархан сорудахтаата. Туһааннаах бырагыраамманан быйыл Дьокуускайга 2400 киһи саҥа дьиэлэнэрэ былааннанар. Үлэ Дьокуускай куорат 10 сыллааҕы сайдыытын торумунан барар.