Сир баайын чинчийиигэ дойдуттан үбүлээһин үрдээтэ

27

Россия айылҕа харыстабылын министиэристибэтэ Саха сиригэр геологическай чинчийэр үлэлэргэ үбүлээһини улаатыннарда. Ол курдук федеральнай бүддьүөттэн Арктикаҕа углеводородтары көрдүүргэ 3 сыл устата 4 млрд 200 мөл солкуобайы кэлиэҕэ. Быйыл бу үбүлээһин "Геология: возрождение легенды" диэн федеральнай бырайыак чэрчитинэн ниэп уонна гаас баайдаах сирдэри көрдөөһүҥҥэ ананыа. Бу Саха сиригэр хотугу муора суолунан тиэллэр кыахтаах саҥа гаас кластерын тэрийэргэ көмөлөһүөҕэ.