Өрөспүүбүлүкэ бүттүүнүгэр “Өксөкүлээх сардаҥата” чүмэчи умайда
Главное
-
19 апреля в 16:36Грандиозное вокальное шоу "Ну-ка, все вместе!" объявляет "Народный кастинг"!
-
19 апреля в 14:42"Водоканал" Якутска применяет новую технику для сезонных весенних работ в городских сетях
-
19 апреля в 14:26"Сто лет тому вперёд". В Якутске стартовал показ кинофильма по повести Кира Булычёва
-
19 апреля в 13:5130 апреля завершается Всероссийское голосование по отбору территорий для благоустройства
Саха литературатын төрүттээччи, бөлүһүөк, сырдыгы саҕааччы Алексей Кулаковскай төрөөбүт күнүн саха норуота бэлиэтээтэ. Бу күнүн баттаһа өрөспүүбүлүкэҕэ «Свет Кулаковского – Өксөкүлээх сардаҥата» диэн аахсыйа ыытыллар. Саҥа үтүө үгэһи президент оскуолаларын ситимнэрэ уонна "Николаев Центр" — бастакы президент Михаил Ефимович Николаев библиотека-архыыба олохтоотулар. Тустаах аахсыйаҕа чүмэчи уотун уматтылар. Ол курдук Өксөкүлээх төрөөбүт күнүн сарсыардатыгар, 10 чааска өрөспүүбүлүкэ бүттүүнүгэр "Өксөкүлээх сардаҥата" чүмэчи умайда.
Александр Ноговицын, Дьокуускай куорат историятын түмэлин салайааччыта: “А.Е. Кулаковскай саха омуга норуот быһыытынан хааларыгар сүҥкэн үлэни хаалларбыт киһи буолар. Кини бэйэтин дьиэ кэргэнигэр эрэ буолбакка хас биирдии саха киһитэ норуот быһыытынан тылын, култууратын илдьэ сылдьарыгар туһулаан “Ойуун түүлэ” айымньылаах. Бу поэмаҕа норуот быһыытынан тыыннаах хааларбытыгар ханнык суоллар баалларый диэн кыһылҕаны туруорар. Онтон тыын суолталаах кыһалҕалары быһаарар суолу “Саха интеллигенциятыгар” суругар арыйан биэрэр. Ол курдук хайа суолу тутуһарбытын, тугу баһылыахтаахпытын ыйар. Бу манна кини сырдатааччы буолара арылхайдык көстөр”.
Итиэннэ бу күн Өксөкүлээх Өлөксөй духуобунай уонна интеллектуальнай нэһилиэстибэтин үөрэтиигэ, Саха сирин, Россия сайдыытыгар дириҥ толкуйдарыгар ырытыылар буоллулар. Санатан эттэххэ, Ил Дархан ыйааҕынан 2023-2027 сыл эригийиэҥҥэ Кулаковскай биэс сылынан биллэриллибитэ.