Ил Дархан граныгар күрэх биллэрилиннэ

Кулун тутар 20 күнүттэн муус устар 18 күнүгэр диэри гражданскай уопсастыбаны сайыннарыыга Ил Дархан гранын күрэҕэр сайаапкалары тутуохтара. Ол курдук, граны ылыы күрэҕэр өрөспүүбүлүкэ иһигэр үлэлиир, ол эрэн судаарыстыбаттан үбүлэммэт ханнык баҕарар коммерческайа суох тэрилтэлэр кыттыахтарын сөп. Бу сылга өссө саҥа хас да көрүҥ гран киирдэ итиэннэ эрдэ баар граннар кээмэйдэрин улаатыннардылар.

Мария Петрова, Ыччат министиэристибэтин гражданскай уопсастыба  институттарын кытары хардарыта дьайсыыга салаатын салайааччыта: “Быйыл граммыт сууммата улаатта. Сыллата “Фонд президентских грантов” диэн куонкуруска кыттан бэйэбит эригийиэммит күрэҕигэр эбии харчы киллэрэбит. Мантан быйыл 48 мөлүйүөн эбии киирдэ уонна бэйэбит 69 мөлүйүөммүт. Онон 117 мөлүйүөҥҥэ күрэх биллэрдибит. Быйыл анал байыаннай дьайыы хайысхата, дойдуга бэриниилээх буолууга сыһыаннаах бырайыактар эбилиннилэр”.   

Гран уопсай сууммата 117 мөл. солкуобай. Куонкурус барыта 16 хайысханан ыытыллыаҕа. Ол иһигэр эдэр ыччат политиката, дойдуга бэриниилээх буолууһа иитии, үөрэхтээһини өйөөһүн, адаптивнай спорт көрүҥнэрэ, айар сойуустар, тылы харыстааһын хайысхалара. Үлэлэри 40 эксперт көрүөҕэ