"Мин идэм - IT" күрэх сүүмэрдиир түһүмэҕэ ыытыллар
Главное
-
2 мая в 15:31Пожарная безопасность в лесах. В Якутске инспекторы охраны природы и специалисты МЧС проводят совместные рейды
-
2 мая в 15:07Подвиг Фёдора Попова. История первого из народа саха Героя Советского Союза
-
2 мая в 14:27В Якутске идёт подготовка общественных пространств к празднованию 80-летия Великой Победы
-
2 мая в 12:41В Якутске завершился 14-й шахматно-шашечный турнир на призы участника Великой Отечественной войны Наума Слепцова
Саха сиригэр айти хайысха тэтимнээхтик сайдар, билигин оҕо араас сааһыттан бэйэтэ сөбүлүү көрбүт хайысхатыгар ылсан, сайдар кыахтанна. Өрөспүүбүлүкэ араас муннуктарыгар анал эбии үөрэхтээһин оскуолалара арылланнар, оҕолору информационнай технологияҕа бары өттүнэн үөрэтэллэр. Бу күннэргэ Дьокуускай куоракка "Мин идэм - IT" муниципальнай түһүмэҕэ ыытылынна.
Василий Николаев, IT-cube оҕо цифровой үөрэхтээһин киинин салайааччытын солбуйааччы, күрэх тэрийээччитэ: “Күрэҕи үс хайысханан ыытабыт. Бастакы хайысхабыт “Оскуола аһылыга” диэн ааттанар. Иккис – “Идэни талыы” уонна үһүс - “Сайыҥҥы сынньалаҥ”. Биһиги кииммитигэр 30 хамаанда баар, уопсайа 195 оҕо кытта сылдьар”.
"Мин идэм - IT" күрэх ахсыс төгүлүн ыытыллар. Бу күннэргэ хас биирдии улууска сүүмэрдиир тэрээһин ыытыллар. Муус устар 28 күнүгэр түмүктүүр түһүмэх буолуоҕа. Бу күрэх информационнай технологияҕа сыһыаннаах оҕону уонна ыччаты булуу, кинилэр сатабылларын, талааннарын арыйар соруктаах. Ол эрэн хас хайысха аайы ким сатабыллаах, ким үчүгэй бэлэмнээх кыайыылаах буолуоҕа.
Татьяна Винокурова, "Мин идэм - IT" күрэх судьуйата: «Дьүүллүүр сүбэ оҕолор үлэлэрин хас да туһааннаах ирдэбилинэн сыана быһар, маны сэргэ хамаанданан үлэ көрүллэр. Итиэннэ бырайыактарын хайдах көмүскүүллэриттэн эмиэ улахан тутулуктаах».
Оҕолор бэриллибит болдьох иһигэр бэриллбит сорудахтары толоро охсуохтаахтар. Кинилэр сытыы өйдөрө, киэҥ билиилэрэ, түргэн-тарҕан хамсаныылара, хамаанданан үлэлэрин түмүгэ саайт буолан тахсыахтаах.
Алексей Попков, IT-cube оҕо цифровой үөрэхтээһин киинин салайааччыта: “Айти хайысха кэнники кэмҥэ биллэ сайынна. Дьарыктаныан баҕалаах оҕо элбэх. Холобура, аҥардас бу үөрэх дьылыгар биһиги 1724 оҕону хабан дьарыктыы сылдьабыт. Инниктин Дьокуускай айти киин буоларыгар эрэл улахан”.
А уонна В түмүккэ категориянан арахсан үлэлиэхтэрэ, ол курдук бастакы категорияҕа оскуола оҕолоро, иккискэ орто уонна үрдүк анал үөрэх кыһаларын устудьуоннара киирсиэхтэрэ. Оскуола оҕолоругар кыайбыттар дойду бастыҥ университеттарыгар быһа киирэр быраабы ылыахтара.
