Күн бүгүн медицинскэй чөлүгэр түһэриини 48 анал байыаннай эпирээссийэ кыттыылаахтара ааспыттар

Главное
-
3 июня в 12:21Театр эстрады Якутии представит музыкальный спектакль на Международном театральном фестивале "Науруз"
-
3 июня в 11:33В Покровске приступят к реставрации дома Серго Орджоникидзе
-
3 июня в 10:47В Русском театре им. А.С. Пушкина состоится премьера "Руслан и Людмила"
-
3 июня в 09:58С Вилюйского водохранилища судоходные пропуски будут осуществляться с 7 июня
Анал байыаннай эпирээссийэ кыттыылаахтарын уонна кинилэр дьиэ кэргэттэрин доруобуйаларын туругун чөлүгэр түһэрэргэ өрөспүүбүлүкэтээҕи чөлүгэр түһэрэр киин үлэлиир. Ааспыт сылга бырабыытылыстыба дьаһалынан уопсайа 15 куойка сытан эрэн эмтэниигэ ананан аһыллыбыта, итинтэн 5 миэстэ Аллараа Бэстээххэ Абалаахтааҕы салааҕа баар. Күн бүгүн медицинскэй чөлүгэр түһэриини 48 киһи ааспыт. Эмчиттэр хас киирбит киһиэхэ тус бырагыраамманы аныыллар.
Сергей Черкашин, СӨ Медициинскэй реабилитация уонна спортивнай медициинэ киинин кылаабынай бырааһын эбээһинэһин толорооччу: "Саамай наадалаах исписэлиистэртэн биирдэстэрэ клинический психолог. Кииҥҥэ киирбит дьоннор бу исписэлиис көмөтүн күн аайы ылаллар. Маны сэргэ массаж, эмтиир физкультура, бадараанынан эмтээһин курдук олус туһалаах эмтэниини ааһаллар. Маны сэргэ хас биирдии киһиэхэ тустаах инструктордар, быраастар ананан үлэ барар".
Улуустан кэлээччилэр киин куоракка 1 поликлиникаҕа көрдөрөн биитэр спортивнай медициинэ киинигэр кэлэн 9 исписэлиис көрүүтүн ааһан направление ылан чөлүгэр түһэриигэ киирэллэр. Маны тэнэ өрөспүүбүлүкэтээҕи ыарыһахтары арыаллыыр биир кэлим тиһилик нөҥүө эмтэнэ киирэр кыахтаахтар