Кээпэрэтииптэргэ тутууга көрүллэр өйөбүлгэ сайаапканы хомуйуу саҕаланна
Главное
-
26 апреля в 06:11Школьники Якутска примут участие в "Битве школьных креативных студий"
-
26 апреля в 05:39"Уникальная Россия". 2 мая в Москве стартует IV художественно-промышленная выставка-форум
-
26 апреля в 05:28"Дьээ-буо" этно-фолк бөлөхСахам Сирин Сарсыардата
-
26 апреля в 05:17Гидрологическая обстановка на реках Якутии на 26 апреля
Саха өрөспүүбүлүкэтин тыа хаһаайыстыбатын министиэристибэтэ хотон, оҕуруот аһын харайар сири уонна сайылык туттууга, кээпэрэтииптэр истэригэр, субсидия ыларга сүүмэрдээһин бара турарын туһунан иһитиннэрэр. Ол курдук, быйыл тустаах грааҥҥа 60 мөлүйүөн кэриҥэ үп көрүлүннэ. Сүрүн ирдэбил - хас биирдии кээпэрэтиип хотону, оҕуруот аһын харайар сири, сайылыгы туттарга ороскуотун 10% бэйэтиттэн буолуохтаах. Ол эбэтэр, тустаах министиэристибэ 90% көмө харчы быһыытынан биэрэр.
Айаал Тимофеев, СӨ тыа хаһаайыстыбатын министиэристибэтин сүөһү иитиитигэр департаменын салайааччытын солбуйааччы: "Холобура, хотон тутуутугар 10 мөл. солк, онтон оҕуруот аһын харайар сиргэ 8 мөл. солк уонна 3 мөл. солк. сайылык туттуутугар көрүллэр. Бырайыак, смета уонна тутар сир баар буолара ирдэнэр".
Тустаах өйөбүл 2020 сыллаахтан киирбитэ. Бу үс сылга барыта 180 мөлүйүөнтэн тахса үп көрүллэн турар. 2020 сылтан көмө харчыны туһанан 27 тыа хаһаайыстыбатын саҥа эбийиэгэ тутуллбута. Холобура, ааспыт сылга, сэттэ кээпэрэтиип ылбыт, ол иннинэ 10 тахса, 2020 сыллаахха 6 кээпэрэтиип.