Арктика улуустарын түргэн интернеккэ холбуохтара

"Синергия Арктики" бырайыак чэрчитинэн 2023-2025 сылларга Саха сиригэр түргэн интернеккэ Арктика бары улуустарын холбуохтара. Бу иһигэр Үөһээ Халыма сэлиэнньэтигэр сибээс волоконнай-оптическай линиятын 2024 сылга тардыахтара. Күн бүгүн тустаах оройуоҥҥа "Арктик Телеком" оптоволокнону киллэриигэ бэлэмниир үлэтин саҕалаата. Хампаанньа магистральнай уонна дьиэлэр истэринээҕи линиялары тардыаҕа. Бу туһунан олохтоохторго бырабыыталыстыба отчуотун мунньаҕар инновация миниистирэ Анатолий Семенов иһитиннэрдэ.