Хоту сир дьонун доруобуйатын көрдүлэр

Олунньу ыйга Арктика оройуоннарыгар 6 медицинэ биригээдэлэрэ уопсайа 31 нэһилиэнньэлээх пууну хабан үлэлээтилэр. Быраастар 4912 киһини көрдүлэр, бу иһигэр 858 оҕону. Ол курдук  Абый, Аллараа Халыма, Орто Халыма уонна Усуйаана улуустарыгар мобильнай биригээдэлэр сырыттылар. Медицинскэй көрүү түмүгүнэн Дьокуускайга 524 киһини балыыһаҕа эмтэниигэ ыыттылар, диспансерынан  1254 ыарыһаҕы кэтээн көрүөхтэрэ. Оттон кулун тутар ыйга быраастар хаалбыт 9 хоту оройуоҥҥа барыахтара.