Тымныы оҕуһун иккис муоһа тоһунна
Главное
Саха былыргы итэҕэлинэн, тымныы оҕуһун иккис муоһа олунньу 24 күнүгэр тоһунна. Бу кэмтэн ыла тоһуттар тымныы күннэр тохтууллар. Сандал саас биллэ чугаһыыр. Күнү-дьылы кэтээн көрөөччүлэр иһитиннэрэллэринэн, бу күннэргэ халлаан биллэ сылыйыаҕа. Сылаас салгын маассалара циклону арҕаа уонна киин улуустарга аҕаллылар. Онон бу эҥэр 13 кыраадыска тиийэ сылыйыаҕа. Ол эрэн, өрөспүүбүлүкэ хотугулуу-илиҥҥи өттүгэр тоһуттар тымныылар өссө да салҕаналлар. Өймөкөөн, Томпо, Дьааҥы улуустарыгар түүнүн 53 кыраадыска тиийэ тымныйыан сөп.
