Оҕолор - биһиги инники кэскилбит

Мииринэй оройуонун Сүлдьүкээригэр Алмазик оҕо уһуйаана аныгы олох тэтимин кытта тэҥҥэ хардыылыыр. Төрүт култуураны ситимнээн, араас хайысханан үлэлиир. Экология, кыраайы үөрэтии  - бу барыта уһуйаан саастаах оҕолорго туһуланан үлэ ыытыллар.

Эбэҥки тылынан ырыа дорҕооно уһуйааны толорор, оттон бу Сүлдьүкээр оҕо уһуйаанын иитилээччилэригэр ырыа-тойук, үҥкүү дьарыга бара турар. 53 сыллааҕыта тустаах нэһилиэккэ уһуйаан арыллан үлэтин саҕалаабыта.  Күн бүгүн оҕо саада 2 бөлөҕүнэн хайдан, хас да хайысханан үлэлиир. Онтон биирдэстэрэ төрүт култуураны, кыраайы үөрэтии буолар. Ол сыалга-сорукка уһуйааҥҥа түмэл арыллыбыт.

"Өбүгэлэрбит  олохторун-дьаһахтарын, култуураларын сүтэрбэт туһуттан, биһиги музей тэриммиппит. Музейбыт аата “Сүлдьүкээр – мин дойдум” диэн. Музейы оҥорорбутугар бырагырааммалаахпыт, “Сюльдюкар - колыбель эвенков” диэн.  Манан сирдэнэн тэрийдибит. Экспонаттар сорохторо оскуолалартан  кэлбиттэрэ уонна төрөппүттэрбит, эбээлэрбит көмөлөрө элбэх. Ыйга иккитэ ааһар куруһуоктаахпыт. Эбэнки тылын үөрэппэппит эрээри, оонньуу көмөтүнэн   күн ахсын туттулар сорох тыллары үөрэтэбит", - диир "Колобок" оҕо уһуйаанын иитээччитэ Алёна Федотова.

"2003 сыллаахха экологическай кабинеты арыйбыппыт. Оҕолорго айылҕаны харыстыырга, таптыырга үөрэтэр сыалтан, педагогтар кыттыһан Айылҕа оҕото диэн бырагыраамма оҥорбуппут. Киэн туттарбыт - дьоҕус түмэлбит", - диэн "Колобок" оҕо уһуйаанын иитээччитэ Лилия Белобородова иһитиннэрдэ.

Бу курдук оҕолор төгүрүччү, хайа да хайысхаҕа дэгиттэр буолалларыгар туһуламмыт үлэ ымпыктаахтык ыытыллар.

Оҕолор инникилэригэр сыалаланан ыытыллар Сулдьукээр уьуйаанын улэтин киьи утуе холобур эрэ оцостор