Суол хаһаайыстыбатын уонна транспорын үлэһиттэригэр күрэх ыытылынна
Главное
-
15 июля в 15:45График отключения электроэнергии и водоснабжения в Якутске на 16 июля
-
15 июля в 15:20Железные амбиции. Сиваглинское железнорудное месторождение планируют достичь объема поставок в 1,2 млн тонн в год
-
15 июля в 15:00500 тысяч сеянцев сосны планируют выращивать в новом тепличном комплексе Якутска
-
15 июля в 14:45Патриотическая смена "Время юных героев" проводится в Якутске
Дьокуускайга суол хаһаайыстыбатыгар уонна транспортка куттал суох буолуутун хаачыйар тэрилтэлэр икки ардыларыгар бөдөҥ турнир тэрилиннэ. Манна 5 спорт көрүҥэр спортсменнар күүстэрин холоннулар. Күрэхтэһии Аҕа дойдуну көмүскээччилэр күннэригэр уонна Өрөспүүбүлүкэҕэ физкультуура хамсааһына тэриллибитэ 100 сылыгар ананна. Турнирга 120 киһиттэн элбэх киһи кытынна. Тэрээһин суолга-иискэ сыһыаннаах тэрилтэлэр бэйэ икки ардыларыгар, доҕордуу сыһыаннаах буолалларын ситиһэр сыаллаах.
“Биһиги бу күрэҕи Аҕа дойдуну көмүскээччилэрин күнүгэр уонна Саха сиригэр физкультурнай хамсааһын 100 сылыгар аныыбыт. Маннык күрэхтэһиини үлэһиттэрбит чэгиэн-чэбдик буоллуннар уонна спордунан, физкультууранан дьарыктанныннар диэн туһаайаммыт, сыаллаах-соруктаах ыытабыт”, - диэн "Бүлүү суолларын салалтата" тэрилтэ салайааччыта Николай Андреев иһитиннэрдэ.
Хамаандалар мини-футболга, волейболга, остуол тенниһигэр, дуобакка уонна канааты тардыһыыга күрэхтэстилэр. Турниры Өрөспүүбүлүкэ уонна Россия таһымнаах судьуйалар сыаналаатылар. Суол үлэһиттэрин сылын ахсын ыытар үгэскэ кубулуйбут күрэхтэрэ, 2 сыллааҕы хааччах кэнниттэн сөргүтүлүннэ. Түмүккэ, бары кэриэтэ спорт көрүҥэр "Бүлүү" айан суолун салалтата кыайыыны ситистэ.
