Миирнэйгэ маҥнайгытын Өрөспүүбүлүкэтээҕи оҕунан ытыыга күрэх тэриллэр

56

Миирнэй улууһун "Кимберлит" спорткомплексыгар бастакытын Өрөспүүбүлүкэтээҕи оҕунан ытыыга күрэхтэһии ыытыллыаҕа. Оройуон сүүмэрдэммит хамаандата 27 охчуту бэлэмниир. Ох саанан ытыыга Миирнэй оскуолата биир саамай сайдыылааҕынан уонна бастыҥынан биллэр. Секция 16 сылын үлэлиир. Бу кэм устата улууска 3 спорт маастара, 10 тахса хандьыдаат уонна бүтүн Россиятааҕы, норуоттар икки ардыларынааҕы күрэхтэр чөмпүйүөннэрэ үүнэн таҕыстылар. Оҕунан ытыы Миирнэйгэ кулун тутар 3 күнүттэн 5 күнүгэр диэри буолуоҕа. Күрэххэ 12 улуус бастыҥ охчуттара мусталлара күүтүллэр.