Саха тылын үөрэтэр төлөпүөн сыһыарыыта баар буолла

Бу күннэргэ Дьокуускайга "Сахалыы" диэн ааттаах саха тылыгар үөрэтэр төлөпүөн  сыһыарыыта сүрэхтэннэ. Бырайыак ааптардара Ньургун уонна Лилия Бэчигэн. Ил Дархан граанын көмөтүнэн тустаах бырайыак олоххо киирбит. Анал сыһыарыы көмөтүнэн саха тылыгар онлайн уруоктары үөрэтэҕин. Түмүгэр ылбыт билиигин тутатына тургутан көрөҕүн. Маныаха хас биирдии тургутук кэннэ бырагыраамма  бааллары туруорар. Онон сиэттэрэн туһанааччы атын үөрэнээччилэри кытары күрэхтэһэр кыахтаах. Ааптардар этэллэринэн, тустаах сыһыарыы төлөпүөҥҥэ баар буолан хас биирдии киһи ллэҥ кэмигэр күн аайы бэйэтэ үөрэниэн сөп.