Бырабыытылыстыбаҕа таһаарыылаах үлэлээх чинчийээччилэри чиэстээтилэр
Главное
-
6 июля в 20:59Глава Якутии обсудил взаимодействие региона с Южным военным округом
-
6 июля в 19:49График отключения электроэнергии и водоснабжения в Якутске на 7 июля
-
6 июля в 17:51Национальный художественный музей Якутии приглашает на "Ювелирный сезон Даши Намдакова"
-
6 июля в 17:25Молодожёны из Якутии примут участие на Всероссийском свадебном фестивале в Москве
Наука күнүн көрсө судаарыстыбаннай наҕараадалары, бочуоттаах уонна махтал суруктары билим эйгэтин дьонугар туттарыы үөрүүлээхтик ааста. Гаврил Чиряев аатынан наукаҕа, техникаҕа Өрөспүүбүлүкэ биир сүрүн наҕараадатын, 45 сыл устата Саха сирин, Чукотка, Магадан уонна да атын регионнар күөллэрин үөрэтэр-чинчийэр География наукатын доктора Людмила Пестрякова тутта. Кини үлэтэ сыаналаммытыттан долгуйбутун үллэһиннэ уонна чинчийии инникилээх диэн санаатын эттэ.
"Билигин саамай сүрүнэ, наукаҕа эдэр ыччаты тарда сатыыбыт. Кинилэр буоллаҕа ди, биһиги саамай тутаах дьоммут. Ол иһин биһиги экспедицийэбит 15-27 киһилээх, улахан экспедиция буолааччы. Үлэбитигэр сүрүннээн, күөл бадараанын бури гынабыт уонна историятын үөрэтэбит. Хайдах кини айылҕаны кытта тэҥҥэ уларыйарын, чуолаан билиҥҥи кэмҥэ климаты кытта уларыйыытын. Бэйэҕит билэҕит, климат дьайыыта биһиэхэ улахан суолталаах. Ол хайысхаҕа үлэлиибит", - диир ХИФУ үрдүкү научнай сотруднига, география билимин дуоктара Людмила Пестрякова.
Үөрүүлээх тэрээһиҥҥэ Ил Дархан Айсен Николаев науканы өрө тутар наадалааҕын уонна чинчийии үлэтигэр эдэр ыччаты угуйар, үүнэр көлүөнэҕэ интэриэһи көбүтэр, билигин ордук суолталааҕын тоһоҕолоон эттэ. Саха сирин учуонайдарын үлэлэрэ, күн бүгүн, бүтүн Аан дойдуга билиниллэр.
