СӨ үтүөлээх артыыһа Афанасий Соловьев үбүлүөйдээх кэнсиэрэ буолла
Главное
-
21 октября в 07:00Сунтаар оскуолатын оҕолоро "Кулун кугас аттаах Куллустай Бэргэн" олоҥхону туруордулар
-
21 октября в 06:40Анатолий Семенов представил коллективу Мининноваций Якутии нового руководителя
-
21 октября в 06:20"Якутия с тобой" хамсааһын ахсаанынан да, кээмэйинэн да хааччаҕа суох аадырыстаах баһыылканы тутар
-
21 октября в 06:00Стартовал приём заявок на участие во Всероссийском конкурсе проектов по сохранению истории
Кини 2006 сыллаахтан элбэх ыччаты үҥкүүгэ уһуйан кэллэ. Олоҕун үҥкүүгэ анаабыт, РФ театр деятеллэрин сойууһун чилиэнэ Афанасий Соловьев, кэргэнин Зоя Соловьеваны кытта саха үҥкүүтүн сайдыытыгар улахан кылааттаахтар. 2013 сыллаахха Соловьевтар дьиэ кэргэн тэрийбит "Бриллианты Якутии" оҕо ансаамбыла өрөспүүбүлүкэҕэ эрэ аатын ааттатар буолбакка, бүтүн дойду уонна норуоттар икки ардыларынааҕы күрэхтэр кыайыылаахтара буолаллар.
"Бу кэнсиэргэ эрдэттэн бэлэмнэнэн, 60 сааспын туолабын диэн, элбэх үҥкүүнү туруорбутум. Барытын көрдөрүөхпүн, баппат. Иннэ гынан, кылгас-кылгас, попурри курдук көрдөрдүм. Саҥа таҥас арааһын тиктэрдибит. Оҕолор олус үөрэллэр кэнсиэргэ кытталларыттан. Мин үбүлүөйбэр үөрэ-көтө бэлэмнэннибит", - диэн РФ уонна СӨ үтүөлээх артыыһа Афанасий Соловьев иһитиннэрдэ.
Афанасий Соловьев оҕо ансаамбылын репертуарыгар анаан 3 бөдөҥ испиктээкили уонна 50 тахса аан дойду норуоттарын үҥкүүлэрин туруорбута. Кини 60 сыллаах үбүлүөйүн көрсө, өр сыллаах айымньылаах үлэтин иһин, педагог быһыытынан ыччаты иитиигэ, кэрэ эйгэтигэр уһуйууга кылаатын иһин "Гражданскай килбиэн" бэлиэнэн наҕараадаланна.
