Искэҥ ыарыытын утары охсуһуу күнүгэр аналлаах быыстапка
Главное
-
2 июля в 07:21Дьокуускайга археологтар сэдэх булумньулары буллулар
-
2 июля в 06:50В Якутии проведено более 4 тысяч теле-ЭКГ с начала года
-
2 июля в 06:26В Якутске в честь реки Лены состоялся флэшмоб "Голубые ленточки"
-
2 июля в 05:59Премию Главы Якутии вручат победителям республиканского этапа конкурса "Семья года-2025"
"Я рисую жизнь!" диэн ааттаах национальнай ойуулуур-дьүһүннүүр искусство түмэлигэр быыстапка арылынна. Тэрээһин бүтүн Аан дойдутааҕы искэҥ ыарыы утары күҥҥэ ананна. Манна живопись, графика ньыманан оҥоһуллубут уруһуйдар, туойтан оҥоһуктар уонна араас илиинэн уус-уран үлэлэр көрдөрүүгэ турдулар. Бу барыта искэҥ утары ыарыыны охсуһан кыайбыт, күннээҕи нусхал олоххо төннүбүт дьон үлэлэрэ буолар.
"Билэр дьонум эппиттэрэ, анти-рак диэн бырайыак баарын. Онно босхо тэрээһин бөҕө буолар эбит. Ону билиэхпиттэн, алтынньы ыйыттан саҕалаан хас да төгүл сырыттым. Холобур, гончарнай искусствоҕа. Манна үөрэтии эрэ буолбатах, оҥорон таһаарбыт оҥоһуккун илдьэ бараҕын дьиэҕэр. Мин ону олус сөбүлээтим", - диэн "Я рисую жизнь" бырайыак кыттыылааҕа Лариса Осипова кэпсээтэ.
Быыстапка олоххо тардыһыыны, санаа күүһүн, кэрэни кэрэхсээн, умсулҕаннаах айымньыга аралдьыйан ыарыыны кыайар, утарсар суолталаах тэрилиннэ. Бырайыак чэрчитинэн, түмэлгэ көрсүһүүлэр, маастар-кылаастар, экскурсиялар, араас тиэмэҕэ кэпсэтиилэр уонна да атын култуурнай тэрээһиннэр ыытыллыахтара. Олоҕу уруһуйдуур быыстапка олунньу 17 күнүгэр диэри туруоҕа.
