2023 сыл Тулагыга - Аҕа сыла
Главное
-
20 апреля в 07:25В конце апреля якутян ждут длинные выходные
-
20 апреля в 06:38Программа обеспечения трудовыми ресурсами строительной отрасли разрабатывается в Якутии
-
20 апреля в 05:5720 апреля пройдет единый день открытых дверей в образовательно-производственных кластерах "Профессионалитета"
-
20 апреля в 05:26Якутия и Казахстан укрепляют взаимодействие в сфере спорта
Саҥа сылга саҥа саҕахтары арыйыы. Тулагы-Киллэм нэһилиэгэр Уһуйааччы, Үлэ уонна Тупсарыы сылларын көрсөр бэлиэ тэрээһин буолла. Манна аан бастакытын нэһилиэккэ биир хайысхаҕа анаммыт сылы биллэрдилэр.
Күпсүүр алыптаах тыаһа сааланы толорор. Тулагы-Киллэм нэһилиэгэр Россияҕа учуутал уонна наставник, Саха сиригэр Үлэ, Дьокуускай куоракка тупсарыы сылын, маныаха нэһилиэккэ саҥа үүммүт сыл көрсөр дьоро күнэ тосхойдо.
2023 сыл Тулагыга - Аҕа сылынан биллэрилиннэ. Онон бу кэмтэн ыла, аҕаларга улахан болҕомто ууруллан, уопсастыбаҕа Аҕа оруолун үрдэтии үлэтэ ыытыллыаҕа. Маны таһынан, нэһилиэк тэрилтэлэригэр аҕалары кытта ситимнээх үлэни ыытыыга сорук турда.
"Бэйэбит нэһилиэкпитигэр аҕа сылын биллэрдибит. Иннэ гынан, аҕаларбьытыгар сүҥкэн эппиэтинэс уонна үлэ сүктэриллиннэ. Учуутал уонна наставник сыла буоларын быһыытынан, улахан үлэ эмиэ күүтэр. 3 сыллаах былааммытын торумананан олоробут, биир эрэ сылынан түмүктээбэт курдук", - диэн П.И.Кочнев аатынан Тулагы агротехническай орто оскуолатын дириэктэрэ Дмитрий Андросов кэпсээтэ.
Күүстээх үлэ Өрөспүүбүлүкэ уонна Киин куорат аҕа түмсүүлэрин кытта дьүөрэлии ыытыллыаҕа. Бу күн Дьокуускай куорат аҕа сүбэтин чилиэттэрэ кэлэн, сыллааҕы үлэ былаанын торумнаатылар. Аҕа түмсүүтүн чилиэнэ, ааспыт сыл түмүгүнэн Киин куоракка Аҕа күрэҕин муҥуутуур кыайыылааҕа, Өрөспүүбүлүкэҕэ 3 миэстэлээх Александр Винокуров, кэлбит ыалдьыттарга, оҕолорго остуол онньуутугар маастар кылаас көрдөрөдө.
Өбүгэ саҕаттан кэлбит онньууллары аныгы үйэ остуол оонньууларын кытары дьүөрэлии туппут маастар кылаас дьоҥҥо, чуолаан оҕолорго улахан интириэһи тарта. Тулагы орто оскуолатын үөрэнээччилэрэ бу күн элбэҕи биллилэр-көрдүлэр.
"Бу маастар кылааска кэлэн элбэҕи биллим. Барыта олус интириэһинэй оонньуулар. Маториканы, толкуйу сайыннарар. Илиин, төбөн үчүгэйдик үлэлиир. Табаарыстаргын кытта оонньуурга олус табыгастаах", - диэн П.И.Кочнев аатынан Тулагы агротехническай орто оскуолатын 10 кылааһын үөрэнээччитэ Саша Григорьев оонньуу хаамытын көрдөрдө.
Бу курдук Тулагы олохтоохторун, нэһилиэк уопсастыбынньыктарын биир сүбэлэринэн, Тулагы-Киллэм нэһилиэгэр аан бастакытын, биир хайысхаҕа туһаайыллыбыт сыл ананна.
