Техника сапчааһын оҥорор олохтоох тэрилтэ

Халыҥ кытаанах  тимиртэн массыына көлүөһэтин дискэтэ көрүөх бэтэрээ өттүгэр быһыллан тахсар. Уһук Илиҥҥэ маннык үрдүк кыамталаах сыах соҕотох. Кислородунан быһар станок төһө баҕар уустук сапчааһы оҥорон таһаарар. Сүрүннээн тыа хаһаайыстыбатыгар туттуллар аппараттар, техникалар  итиэннэ олох - дьаһах коммунальнай хаһаайыстыбатыгар наадыйыллар чаастар манна чочуллаллар. Онон бобууннан сибээстээн атыыттан уһуллубут сапчааһы исписэлиистэр кэбэҕэстик бэйэ киэнинэн солбуйаллар. 

Бастаан туһааннаах сапчааска  чертеж оҥоһуллар, ол кэннэ сыахха быстарыыга барар. Исписэлиистэр этэллэринэн быыһабайдыыр массыынатааҕар кыра тимири кытта быһар кыахтаах.  Маны сэргэ бу станокка хайдахтаах да куһаҕан суолга иҥнигэһэ суох сылдьар анал көлө ис бараана  бүтүннүү быһыллар.  Мотуоруттан атына барыта дьоҕус сыах иһигэр оҥоһуллан, таҥыллан тахсар.  

Игорь Харлампьев, тэрилтэ үлэһитэ: "Тимир лииһи уонна турбаны быһабыт. Лииһи саамай халыҥаабыта 20мм быһар".

Бу көлөнү сүрүннээн хоту улуустар туһаналлар. Холобур, Өлөөн улууһа 14 устууканы ылан ыстаадаларанан тарҕаппыт. Маны сэргэ айылҕа харыстабылын үлэһиттэрэ ураты харыстанар ыраах сытар сирдэри кэрийэн көрүүгэ, онтон сибээс тэрилтэлэрэ оптоволокно ситимин көрүүгэ - истиигэ атах тардысталлар. Онон араас хайысхаҕа туһаныллар көлө саҥардыыны уонна тупсарыыны эрэйэрэ. Маныаха сапчаас барыта бэйэ киэнэ буолан сайдарга кыаҕы үөскэттэ.

Иван Олесов, ЛазерРез тэрилтэ үлэһитэ: "Барытын бэйэбит оҥорор буоламмыт оҥорон таһаарыы да тэтимирдэ уонна саҥаны киллэриибит элбээтэ. Урукку курдук хас биирдии сапчааһы кэтэһэн олорбоппут".

Техниканы оҥоруу курдук уустук хайысхаҕа ылсыбыт тэрилтэ,  тастан киириини бэйэ киэнинэн солбуйууга үтүө холобур