Госавтоинспекция үлэһиттэрэ трассаҕа үлэлэрин үтүө түмүгэ

ДПС инспиэктэрдэрэ 50 кыраадыстаах бытархан тымныыга, үлүйэн өлөр өлүүттэн икки суоппары быыһаатылар. Май сэлиэнньэтигэр микроавтобус айаннаан иһэн генератора алдьанан, суол ортотугар тохтообутугар көмөлөстүлэр. Полиция үлэһиттэрэ массыынаны өрөмүөннүүр сылаас гаражка диэри соһон биэрдилэр. Онтон Таатта улууһугар суолга көлүөһэтэ эстэн, тохтоон турар массыынаны өрүһүйдүлэр. Инспиэктэрдэр аҕам саастаах айанньыттарга көлүөһэлэрин уларыттылар уонна салҕыы трасса устун сулууспаларыгар туруннулар.