Миирнэйдээҕи "Арчы" кулууба тэриллибитэ 25 сылын бэлиэтээтэ

Бу күннэргэ "Алмаз" култуура дыбарыаһыгар эбээлэр, "Арчы" кулууп чилиэттэрэ муһуннулар. "Арчылар" саха норуотун фольклорун, төрүт үгэһин, култууратын, тылын-өһүн харыстаан хаалларар, тэнитэр суолталаах үлэлииллэр. Кинилэрэ суох оройуоҥҥа биир да ыһыах, кэнсиэр тэриллибэт. Бэтэрээннэр эдэр ыччаты кытта көрсөллөр, нэһилиэнньэни кытта үлэлэһэллэр.

"Биһиги кулууппутугар эбээ буолбут ким баҕалаах киириэн сөп. Биһиэхэ эдэр эбээлэр эмиэ бааллар. Саамай аҕам саастаахтарбыт - 86 саастаахтар. Үксүлэрэ 80 саастарын туоллулар уонна 5-6 эдэр эбээлэр. Бары кулуупка үөрэ-көтө сылдьаллар. Госуруолларга барабыт-кэлэбит", - диэн "Арчы" кулууп салайааччыта Розалия Васильева кэпсиир.

Үйэ чиэппэрэ үлэлээн кэлбит кулуубу олохтоох дьаһалта эҕэрдэлээтэ, махтанна. Билигин "Арчы" кулууп 15 киһилээх, онтон саамай кырдьаҕастара 86 саастаах. Нуучча тыллаах оройуоҥҥа Саха омук култууратын, үгэһин, тылын-өһүн тарҕатар  кулууп үлэтэ торумнанан, инникитин өссө сайдар былааннаах