Оҕо айар дыбарыаһа тэриллибитэ 85 сылыгар аналлаах быыстапка турда
Главное
-
17 ноября в 09:05Михаил Черноградский назначен замминистра инноваций, цифрового развития и инфокоммуникационных технологий Якутии
-
17 ноября в 08:54Николай Потапов стал заместителем министра инноваций, цифрового развития и инфокоммуникационных технологий Якутии
-
17 ноября в 08:42Аида Антонова назначена первым заместителем министра по делам молодежи и социальным коммуникациям Якутии
-
17 ноября в 08:32В Якутии впервые пройдет конкурс мастеров "Якутский нож" в рамках фестиваля "Строганина — 2025"
Емельян Ярославкай аатынан Хотугу норуоттар култуураларын уонна историяларын түмэлигэр, Фатия Иннокентьевна Авдеева аатынан оҕо айар дыбарыаһа тэриллибитэ 85 сылыгар аналлаах быыстапка турда. Экспозицияҕа 200 тахса иитиллээчилэр, уһуйааччылар үлэлэрэ турда. Кинилэр ортолоругар бүтүн Россиятааҕы, Өрөспүүбүлүкэтээҕи куонкурустар, олимпиадалар кыайыылаахтарын үлэлэрэ баар. Быыстапкаҕа оҕо дыбарыаһын историятын кэпсиир чахчылар эмиэ бааллар. Кини 1937 сыллаахха тэриллибитэ уонна пионердар дыбарыастара диэн ааттанара.
"Биһиги былырыын, сэтинньи ый 24 күнүгэр, Оҕобут айымньытын дыбарыаһын 85 сыллаах үбүлүөйүн көрсүбүппүт. Ол чэрчитинэн, улахан быыстапкабытын, оҕолор, педагогтар үлэлэрин аҕалан, бу Емельян Ярославкай аатынан түмэлгэ туруордубут. Биһиги түмэли кытта 15 сылтан тахса тэҥҥэ үлэлэһэбит. Уонна оттон быыстапка туруорбутуттан олус үөрэбит, музейга улахан махталбытын тиэрдэбит", - диэн Ф. И. Авдеева аатынан Оҕо айымньытын дыбарыаһын тэрийээччи педагога Елена Игнатьева сырдатта.
85 сыл тухары оҕолору иитэр-үөрэтэр хайысха уларыйбата. Дыбарыас олох тэтимин кытта биир тэҥник хардыылаан иһэр. Оҕолор үлэлэрэ уус-уран айымньы бары хайысхаларын хабар. Манна уруһуйтан саҕалаан, айылҕа матырыйаалыттан кытта, эгэлгэ оҥоһуктары көрүөххэ сөп. Быыстапка экспонаттарын тэҥэ, историческэй суолталаах хаартыскалары таһынан, араас кэм документальнай матырыйааллара баар.
