Миирнэй оройуонугар бөдөҥ коммунальнай авария содулун туораталлар

Тохсунньу 16 күнүгэр Светлай бөһүөлэккэ тымныы уу ситимин турбата тоҥон,  тоҕута баран, саахал таҕыста. Чөлүгэр түһэрии үлэтин түмүгэр, бары кэриэтэ дьиэлэргэ тымныы ууну биэрдилэр. Хаалбыт 4 дьиэҕэ киирэр ситимнэри ириэрэллэр. Миирнэй оройуонугар салгын температуурата 50 кыраадыска тэҥнэһэ сырытта, ол түмүгэр 490 миэтэрэ усталаах тымныы уу ситимэ тоҥмута. Билигин чөлүгэр түһэрии үлэтэ түмүктэннэ, содулу ситэри туоратар үлэ барар