Горнай улууһугар Дьоруой ийэлэри чиэстээтилэр
Главное
-
27 апреля в 07:15Владимир Солодов поздравил якутян с Днем Республики Саха (Якутия)
-
27 апреля в 06:56Жители Якутии почтили память Степана Васильевича Васильева
-
27 апреля в 06:53Юрий Трутнев поздравил якутян с Днем Республики Саха (Якутия)
-
27 апреля в 06:22Айсен Николаев возложил цветы к памятнику Платону Ойунскому
Бу күннэргэ Бэрдьигэстээх нэһилиэгин "Оҕо модельнай библиотекатыгар" Ил Дархан биллэрбит, ааспыт Ийэ сылын түмүгүн таһаарар, Дьоруой Ийэлэри ахтар-чиэстиир тэрээһин ыытылынна. Тэрээһиҥҥэ "Саха сирин 21 үйэтин Дьоруой Ийэлэрэ" диэн өрөспүүбүлүкэ ийэлэрин сырдатар, кэпсиир саҥа бэчээттэнэн тахсыбыт энциклопедия сүрэхтэннэ. Кинигэҕэ Бэрдьигэстээхтэн 9 герой ийэ киирдэ. Бу күн Дьоруой Ийэлэр оҕолоро, уруулара, сиэннэрэ кэлэннэр, сылаас тылынан күндү дьоннорун аҕыннылар.
Өрөспүүбүлүкэ таһымнаах кинигэҕэ, нэһилиэк ийэлэрин туһунан ахтыылары хомуйууга, оҕо бибилиотекатын үлэһиттэрэ кыһамньылаахтык үлэлээтилэр. Оҕо иитиитигэр ураты сыһыаны, дьиэ кэргэн үгэстэрин, элбэх оҕону бииргэ тутан, сатабыллаахтык иитии кистэлэҥнэрин, үтүө холобурдары көрдөрөр кинигэ өрөспүүбүлүкэ хас биирдии ааҕааччытыгар туһуланар.
