Байыаннай сулууспаҕа сылдьыбыттары үлэнэн хааччыйыыга көмө оҥоһуллар

Саха сирэ дойдуну көмүскээччилэр үлэлиир миэстэлэрин харыстаан хаалларар, судаарыстыбаттан көрүллэр бары көмөнөн өйүүргэ болҕомто уурар.  Өрөспүүбүлүкэтээҕи дьарыктаах буолуу киинэ, анал байыаннай эпэрээссийэ кыттыылаахтарыгар, үлэ-дьарык булан биэрэргэ быһаччы үлэлэһэр.  Байыаннай сулууспаҕа сылдьыбыттар үлэнэн хааччыллыылара бастакы уочарат толоруллар. Кинилэр идэлэрин хайысхатын уларытыахтарын, эбэтэр атын идэҕэ үөрэниэхтэрин сөп. Күн бүгүн, 10 тыһ. тахса үлэ миэстэтэ баар. Ол иһигэр,  баахтанан баран үлэлээһин эмиэ баар. 

"Дьарыктаах буолуу киинэ бу анал байыаннай эпэрээссийэҕэ кыттан кэлбит дьоҥҥо көмө оҥоробут. Биһиэхэ маннык туһаайыылар номнуо бааллар. Салайааччыбыт бэйэтэ көрсөн кэпсэтэр. Үөрэх наада дуу, психологическай көмө наада дуу? Эбэтэр билигин үлэҕэ наадыйар дуу диэн боппуруостарга. Анал байыаннай эпэрээссийэ5э кытта сылдьар дьон дьиэ кэргэттэригэр көмө  эмиэ оҥоробут. Биһиэхэ кэлэн учуокка турдахтарына, федеральнай уонна өрөспүүбүлүкэтээҕи бырагырааммаларынан үөрэхтээһиҥҥэ, үлэ бакаансыйата баар тэрилтэлэргэ ыытаммыт, үлэ булалларыгар көмө оҥоробут", - диэн СӨ Дьарыктаах буолуу киинин дириэктэрин солбуйааччы Игорь Соловьёв иһитиннэрдэ.

Анал байыаннай эпэрээссийэ кыттыылаахтарын үөрэтии, үлэ булан биэрии  Өрөспүүбүлүкэтээҕи дьарыктаах буолуу киинин тус хонтуруолугар эбит буоллаҕына, байыастар дьиэ кэргэттэрин өйөбүлэ норуот фронун уонна саллааттар дьиэ кэргэттэрин кэмитиэтин болҕомтотугар турар. Күн бүгүн, норуот фронугар 100 кэриҥэ иһитиннэрии киирэн сытар. Кэмитиэт уонна норуот фронун көхтөөх дьонугар министиэристибэлэр өйөбул-тирэх буолаллар