Арктика эргимтэтин урбаанньыттара өйөбүлү ылыахтара
Главное
-
6 мая в 05:40Кассовые сборы фильмов из Якутии составили более 174 млн рублей с начала 2025 года
-
6 мая в 05:22Программа праздничных мероприятий к 80-летию Великой Победы
-
6 мая в 05:14В деревне под Можайском почтили память павших в годы ВОВ воинов-якутян
-
6 мая в 04:48В Якутске временно ограничат движение транспорта по улице Хабарова и Богатырева
Ил Дархан Айсен Николаев эргиэмсиктэри кытары сылы түмүктүүр мунньаҕы ыытта. Манна үс боппуруоһу көрдүлэр: судаарыстыба өттүттэн хааччахтааһыны аччатыы, хамсаабат баай-дуол нолуогун киллэрии уонна Арктика эргимтэтигэр бизнеһы бигэ тирэхтээхтик олохтооһун, өйөөһүн. Ил Дархан судаарыстыбыннай хонтуруол уорганнарыгар сэрэтии тэрээһиннэрин элбэтэргэ туһаайда. Маны тэҥэ, улахан болҕомто Хоту уонна Арктика улуустарын тыын суолталаах астарынан хааччыйыы боппуруоһун дьүүллэстилэр.
"Айсен Николаев тыраанспар логистическэй кииннэрин тутан са5алыахха диэн киллэрбит этиитэ сүрдээх оруннаах буолла. Арктика туһунан этэр буоллаххына, урбаанньыттарбыт онно бэйэлэр да аҕыйахтар. Холобура, уопсай нэһилиэнньэ Өрөспүүбүлүкэттэн 5 эрэ быраһыанын ылар буоллаҕына, 75 тыһ. киһини хааччыйарга, ас-үөл оҥорон таһаарыыны тэнитэргэ улахан көмө уонна өйөбүл наада буолар", - диэн олохтоох оҥорон таһаарааччылар түмсүүлэрин бэрэссэдээтэлэ Ольга Григорьева этэр.
Мунньахха Айсен Николаев олоххо быһаччы суолталаах ас сыанатын хонтуруоллуур үлэни күүһүрдэргэ ыйда. Бу этии сүрүннээн хотугу улуустарга туһаайылынна. Маны сэргэ, нолуокка уларытыыны киллэрии туһунан кэпсэттилэр
