Учуонайдар сүтэр кутталлаах куртуйах бииһин-ууһун көрдүүллэр

Саха сирин Алдан оройуонугар куртуйах бииһин-ууһун үөрэтэр чинчийии түмүгүн билиһиннэрдилэр. Хараакы диэн куртуйах бииһин-ууһа буолар. Кини олох сэдэх уонна үчүгэйдик үөрэтиллибэтэх көтөр. Бэйэтин айылҕатынан кини дьонтон куттаммат, ол иһин тахсан биэрэр буолан, ахсаана лаппа аччаан кыһыл кинигэҕэ киирэн турар. Кинини харыстыыр туһуттан Саха сирин экологтара биологическэй институту кытта быйылгыттан үлэлэстилэр. Литератураны, архыыбы хаһыстылар, үлэ бөлөҕүн састаабын быһаардылар, үлэ хайысхатын торумнаатылар.

Саргылана Михайлова, Айылҕа харыстабылын министиэристибэтин ураты харыстанар сирдэргэ салаатын салайааччыта: "Олохтоохтор, булчуттар кэпсииллэринэн ити сиргэ урут үөскүү – тэнийэ сылдьыбыт эбит.  Ыйыллыбыт сирдэринэн кэрийэн көрдөөтүбүт да булбатыбыт. Ол аата ахсаана биллэ аҕыйаабыт эбэтэр сүппүт да буолуон сөп. Бырайыакпытын эһиил Нерюнгри оройуонугар салҕыыбыт".  

Кун бүгүн Алдаҥҥа уонна Нерюнгрига олохтоох дьонтон ыйытыгы толороллор. Ааһан эрэр сыл 3 кыбаарталыгар куртуйах сүтэн эрэр бииһин-ууһа сылдьар сирин үөрэтэргэ чинчийэр бөлөх экспедицияҕа баран кэллэ. Үөрэтии сүрүннээн Алдьан өрүс орто сүнньүнэн барда. Үлэ салҕанар.