Өксөкүлээх Өлөксөй саҥа кинигэтэ таҕыста

Главное
-
2 июля в 14:15Глава Якутии Айсен Николаев встретился с лауреатами премии "Золотая маска"
-
2 июля в 14:07Безопасность на дорогах. Сотрудники Госавтоинспекции проводит профилактические беседы с детьми
-
2 июля в 13:44Исторические артефакты 17-18 веков. Археологи обнаружили сотни ценных артефактов на месте Якутского острога
-
2 июля в 13:27В Якутии отмечается День реки Лены
Саха сиригэр суҥкэн суолталаах Өксөкүлээх Өлөксөй үлэтэ бэчээттэнэн таҕыста. "Виды животного и растительного царства, известные якутам" диэн кинигэ сүрэхтэниитэ Пушкин аатынан национальнай бибилиотека историческэй саалатыгар буолла. Өксөкүлээх Өлөксөй тыыннааҕар кыыл-харамай, көтөр-сүүрэр, үүнээйи сахалыы ааттарын хомуйбут үлэтэ 50-ча сыл буолан баран, салгыы тиһиллэн хомуурунньук буолан таҕыста. Бастакы кинигэтигэр аҥардас үүнээйи 240-тан тахса сахалыы аатта киирбит буоллаҕына, 2-с кинигэ өссө баай ис хоһоонноох буолла.
Парасковья Гоголева, М.К.Аммосов аатынан хотугулуу-илиҥҥи федеральнай университет профессора, биологическэй наука кандидаата: "Билигин да Өксөкүлээх ааттаабыт ааттарын сороҕун була иликпит. Холобура, хаар төбө диэни, нууччалыы да латыынныы да ыйыллыбатах буолан билиҥҥитэ быһаара иликпит. Кулаковскай үлэлэр билигин да тахса тураллар, тыыннаахтар"
Өксөкүлээх үлэлэрэ билигин даҕаны ситэри үөрэтиллэ, чинчийиллэ иликтэр. Саҥа кинигэҕэ Алексей Кулаковскай киэҥник биллибэт үлэлэрэ киирдилэр. Хомуурунньук барыта 300 экземплярынан бэчээттэннэ. Саха сиригэр Өксөкүлээх Өлөксөй аатын үйэтитэр, төрөөбүтэ 150 сылын бэлиэтиир 5 сыллааҕы тэрээһиннэр - историяҕа, наукаҕа дириҥ ис хоһоонноох кинигэ сүрэхтэниитинэн саҕаланна