Кузбасс "Азия о5олорун" ыытарга бэлэм

33

"Азия оҕолоро" норуоттар икки ардыларынааҕы кэмитиэт тэриллибитэ 10 сылыгар анаммыт төгүрүк остуол буолла. Манна 2023 сылга Кузбасска 2-с кыһыҥҥы оонньууларга бэлэмнэниини уонна 2024 сылга Дьокуускайга 8-с Азия оҕолоро оонньууга сүрүн хайысхалары билистилэр. Азия оҕолоро билиҥҥи туругунан спортивнай эрэ оонньуулар буолбатах, манна араас култууралар сыһыаннаһыыларын сайыннарар, эдэр көлүөнэҕэ олимпиада ис тутулун сырдатар ис хоһооннох, араас хайысхалаах барар.

Гаврил Цыпандин, "Азия оҕолоро" норуоттар икки ардыларынааҕы кэмитиэт генерльнай дириэктэрэ: "Кузбасска оонньуулар саҕаланаллара 2 ый хаалла. Тэрийэр кэмитиэт түмүктүүр түһүмэҕэр тиийдэ. Бары эбийиэхтэр билиҥҥи  туругунан бэлэмнэр".

Төгүрүк остуол кыттыылаахтара дойдуга оҕо спорда сайдар кэскилин дьүүллэстилэр уонна инникигэ былааннары туруордулар. Азия оҕолоро оонньуу дойду эрэ таһымнаах буолбакка, бүтүн Азия дойдуларын түмэр, сомоҕолуур аналлаах.