Саҥа дьыл өрөбүллэригэр "Росгвардия" үлэтин күүһүрдүөҕэ

"Росгвардия" салалтатын үлэһиттэрэ саҥа дьыл иннинэ, үлэлэрин күүһүрдэллэр. Маны таһынан, сыл түмүгүн таһаардылар. Ааһан эрэр сылга уопсайа 19 биэдэмистибэни таһынан, харабыллыыр салааларынан 4 тыһ. эбийиэк, 2,5 тыһ. дьиэ, кыбартыыра кэтэнэр. 2022 сылга барыта 4 тыһ. буруйу арыйдылар. Дьыалалар ис дьыала уорганнарыгар ыытыллан, 80 холуобунай дьыаланы көбүттүлэр.

"Ааспыт нэдиэлэ5э, Миирнэй куоракка киһини өлөрүү буруйга уорбаланар киһини тутан, Ис дьыала министиэристибэтин үлэһиттэригэр туттарбыттара. Ону таһынан, ааспыт ыйга, эмиэ Миирнэйгэ, маршруткаҕа саарбах көрүҥнээх киһини тохтотоппуттара, бэрэбиэркэ кэмигэр боевой гранаталааҕын туппуттара", - диэн Росгвардия федеральнай сулууспатын Саха сиринээҕи салалтатын биэдимистибэ таһынан харабыллыыр салаатын салайааччытын солбуйааччы, полиция полковнига Сидор Неустроев иһитиннэрэр.

Билигин "Росгвардия" байыастара саҥа дьыллааҕы сынньалаҥҥа үлэлэрин күүһүрдэллэр. Ис дьыала уорган үлэһиттэрин кытта, саҥа дьыл өрөбүллэригэр, биир ситимнээхтик үлэлиэхтэрэ. Маны таһынан,  Россия президенэ 756 нүөмэрдээх уурааҕынан, терорризмы утары үлэҕэ, үлэ күүһүрдүллэрэ былааннанар. Стратегическэй эбийиэктэр ураты хонтуруолга тураллар