"Алыптаах түгэни бэлэхтээ" аһымал аахсыйа саҕаланна
Главное
-
17 декабря в 00:1817 декабря актированный день для учащихся 1-5 классов
-
17 декабря в 00:10Прогноз погоды в Якутске на 17 декабря
-
16 декабря в 15:35В Якутии проходит десятая благотворительная акция "Ёлка добра"
-
16 декабря в 15:28График отключения электроэнергии и водоснабжения в Якутске на 17 декабря
Дьокуускайдааҕы ис дьыала уорганнарын үлэһиттэрэ тэрийэр "Алыптаах түгэни бэлэхтээ" аһымал аахсыйа саҕаланар. Бастакы эҕэрдэлиир кыыс оҕо социально-реабилитационнай кииҥҥэ, ийэтэ көрөр кыаҕа суох буолан, билигин быстах кэмҥэ манна олорор. Бу күн кыра киһиэхэ умнуллубат түгэни полиция үлэһиттэрэ бэлэхтээтилэр. Минньигэс бэлэх, үрүҥ астан бородууксуйа, оонньуур - оҕоҕо бэртээхэй бэлэх.
Үгэскэ кубулуйбут "Алыпатаах түгэни бэлэхтээ" аһымал аахсыйа Дьокуускай куорат уокуругун үрдүнэн 17 төгүлүн ыытыллар. Киин куорат полициятын салаалара барыта бу тэрээһиҥҥэ кытталлар. Тымныы оҕонньор - полицейскай уонна кини сиэн кыыһа Хаарчаана ыалларынан сылдьан алыптаах түгэни бэлэхтээн, оҕолорго дьиҥ бырааһынньык тыынын биллэрэллэр. Оҕолор үөрбүт харахтара туохха да тэҥнэспэт.
Күн бүгүн киин куорат үрдүнэн сокуоннай саастарын ситэ илик оҕолор дьыалаларын инспиэктэрдэрин учуотугар 300-тан тахса оҕо турар. Кинилэр 30-ча инспиэктэр хонтуруолугар сылдьаллар. Оҕолор барахсаттар кыра эрдэхтэриттэн олох ыараханын билэн улаатан, кинилэргэ бу түгэн кырдьык алыптаах буоллаҕа.
Дьэ, бу курдук үтүө санаа аргыстанан аһымал аахсыйа оҕолорго Саҥа дьыл тыынын аҕалла.
