Өрөспүүбүлүкэтээҕи саахымат конгреһа ураты халыыбынан тэрилиннэ
Главное
-
17 марта в 17:01Огневая подготовка, тактическая медицина и управление БПЛА. 37 отряд "Боотур" завершил подготовку и направляется в зону СВО
-
17 марта в 16:51Последние приготовления речников. Выморозка флота в Якутии движется к завершению
-
17 марта в 16:11Образование будущего. В Арктической школе Якутии развивают робототехнику, программирование и беспилотные системы
-
17 марта в 15:39Глава Якутии Айсен Николаев провёл рабочую встречу с генеральным директором АЛРОСА Павлом Маринычевым
Дьокуускайга Саха сирин бастакы президенэ Михаил Ефимович Николаев төрөөбүтэ 85 сааһыгар аналлаах, Өрөспүүбүлүкэтээҕи саахымат конгреһа буолла. Манна уопсайа 250 кэриҥэ киһи кыттыыны ылла диэн тэрийээччилэр иьитиннэрдилэр. Бырагыраамма ис хоһооно киэҥ буолла. Гроссмейстер үөрэҕэ, саахымакка олимпиада, норуоттар икки ардыларынааҕы онлайн-турнир уонна төгүрүк остуоллар буоллулар.
"III Өрөспүүбүлүкэтээҕи саахымакка конгресс буола турар. Михаил Ефимович төрөөбүтэ 85 сааһыгар аналлаах үгүс тэрээһин ыытыллар. Ол чэрчитинэн, 17 төгүлүн саахымат олимпиадата буолла, бу иһигэр турнир, садаача суоттааһын киирдэ. Ахсынньы 14 күнүгэр конференция ыытыллар, онно саахымат спордун уонна саахымат холбоһугун тула ырытыһыылар буолуохтара. Ол иннинэ тренердары, судьуйалары, учууталлары, иитээччилэри үөрэтэр семинардар буолуохтара", - диэн СӨ саахымат федерациятын бэрэссэдээтэлэ Владимир Егоров кэпсээтэ.
Маны таһынан, кини бу сылга конгресс ураты халыыбынан барда диэн бэлиэтээтэ. Гроссмейстер үөрэҕэ эрэгийиэннэр икки ардыларынааҕы таһымнаах, аан маҥнайгытын манна атын эрэгийиэннэртэн оҕолор ыҥырыллан кэлэн, таһымнарын үрдэттилэр, саҥаны биллилэр-көрдүлэр.
