Саха сирин хиругтара атах тымырыгар уустук эпэрээссийэни оҥорор буоллулар

120

Өрөспүүбүлүкэтээҕи иккис нүөмэрдээх балыыһа суһал көмөтүн киинигэр  аныгы үрдүкү таһымнаах медецинскай аппаратынан хорук тымыр бүөлээһинин ыраастыыр эпэрээссийэни оҥорор буоллулар. Атах тымырдарыгар үөскүүр таастар сүрүннээн аҕам саастаах дьоҥҥо көстөллөр. Хомойуох иһин, Саха сиригэр бу ыарыынан ыалдьыы түгэнэ элбэх, онуоха саҥа аппарат көмөтүнэн быраастар ыарыыны түргэнник уонна быдан табыгастаахтык эмтиир буоллулар.

"Атах артерияларын иһигэр баар таастыйбыт эттиктэри механическай буурунунан киирэн  суох оҥорор кыах баар буолла. Бу иннинээҥи эпэрээссийэ күүскэ кыараабыт тымырдарга ордук барсар этэ" - диэн СӨ 2№ - дээх балыыһатын суһал көмө киинин лучевой диагностика салаатын салайааччыта Дыгын Попов иһитиннэрэр.  

Тымыры  дьөлө анньан киирэн ыраастыыллар. Бу кэмҥэ  көмпүүтэринэн хирург  эппэрээссийэлии турара тута көстөр.

"Хорук тымыр ыарыыта тутатына биллибэт. Өр сылларга мунньуллан баран биллэриэн сөп. Сүрүн төрүөт - элбэхтэ вируснай ыарыынан ыалдьыыта, бактериальнай инфекциялар киһиэхэ киириилэрэ. Маны сэргэ чөл олоҕу тутуспатахтара" - диэн  СӨ 2№ - дээх балыыһа суһал көмө киинин тымыр ыарыыларын хирург-бырааһа этэр.

Ыарыы сүрүн сибикитэ – хааман истэххэ эмискэччи бөтөҕө ыалдьыыта.  Ыарыһах туругуттан көрөн, ыарыы истиэпэҥҥэ арахсар. Холобура, үһүс  истиэпэҥҥэ тиийбит дьон атаҕа тоҥор, аалан ыарытыйар буолар, киһи хаамара аччыыр, доҕолоҥнуур буолаллар, онтон төрдүс истиэпэҥҥэ  оспот баастар үөскүүллэр, атахтара быһыллар куттала үөскүүр. Онтон билигин ыарыыны эрдэ булан эпэрээсийэлиир кыах баар буолла. Jetstream аппараты бу күһүн Өрөспүүбүлүкэтээҕи 2№-дээх балыыһа бэйэтин үбүнэн ылбыта, онтон ыла быраастар анал үөрэҕи ааһан, номнуо эпэрээсийэлээн саҕалаатылар. Саха сиригэр бу бастакы уопут.