Росгвардия Саха сиринээҕи салаата сыл саҕаланыаҕыттан 1200 тахса дьыаланы көбүттэ

Дьон гарааһын халаары оҥостубут эдэр киһи тутулунна. Бу курдук күннэтэ Росгвардия Саха сиринээҕи салаатын тас тэрилтэлэри харабыллыыр салаатын байыастара биһиги олохпут кэтэбилигэр үлэлииллэр. Тэрилтэ, олорор дьиэ харабыла кинилэр болҕомтолоругар.

Сарсыардаттан саҕалаан ГЗ бөлөхтөрө ол эбэтэр тутааһын бөлөҕө, анал бэйэтин саадын-саадаҕын ылан киин куорат устун тахсар. 2013 сыллааххтан тустаах биэдэмистибэҕэ бэриниилээхтик үлэлии сылдьар Дмитрий Оконешников билигин рота хамандыыра. Күннэтэ 5-6 суһал иһитиннэриилэргэ тиийэбит диэн кэпсиир.

Дмитрий Оконешников, Росгвардия федеральнай сулууспатын Саха сиринээҕи управлениятын биэдимистибэ таһынан харабыллыыр салаатын полиция батальонун  1 отделениятын  хамандыыра: «14 киһи баар. Уопсайынан взводпутугар 30 киһи. Сорохторбут постка сылдьаллар, сорохтор маннык маршрукка тахсаллар. Биһи үлэбит сыала-соруга диэн – уопсастыбаҕа бэрээдэги харабыллааһына».

Тэрилтэлэри, дьиэлэри кытары тэҥинэн буруйу оҥорооччуллар, сокуону кэһээччилэр кинилэр харахтарын далыгар. Холобура, бу бэрт соторутааҕыта Дмтитрий Оконешников бииргэ үлэлиир кэллиэгэтэ Александр Кучук федеральнай таһымнаах көрдөөһүҥҥэ сылдьар киһини туппута. Киин куорат Дальнай уулуссатыттан суһал иһитиннэри киирбитин  түмүгэ Дойду үрүнэн көрдөнүллэ сылдьар киһи булуллубут.

Александр Кучук, Росгвардия федеральнай сулууспатын Саха сиринээҕи управлениятын биэдимистибэ таһынан харабыллыыр салаатын полиция батальонун  2 отделениятын хамандыыра: «Во время проверки документов выяснилось, что один находился в федеральном розыске, он не явился по месту службы после отпуска».

Онтон бы сыл саҕаланыаҕыттан Росгвардия федеральнай сулууспатын Саха сиринээҕи управлениятын биэдимистибэ таһынан харабыллыыр салаата 3753 суһал иһитиннэриигэ сылдьыбыт, ол түмүгүнэн 2000 тахса уорбаланааччы тутуллубут.

Михаил Местников, Росгвардия федеральнай сулууспатын Саха сиринээҕи управлениятын биэдимистибэ таһынан харабыллыыр салаатын салайааччытын солбуйааччы, полиция майора: «Икки тыһыынчаттан тахса эбийиэк биһиги харабылбытыгар турар. Ону таһынан 500-эн тахса саа харайыыга баар. Сыл саҕаланыаҕыттан 1000 тахса киһи бэрээдэги кэһэн полиция отделыгар тиксэриллиннэ».

Маны таһынан терроризмы утары эмиэ үлэ барар. Бу хайысханан 84 боротокуол толоруллунна.