Москватааҕы киин офтальмологическай салаатын үлэһиттэрэ Дьокуускайга аһаҕас көрүүнү оҥордулар

Алескандра Егорова Бүлүүттэн харах балыаһатыгар оҕотун ыарыытын эмтэтэ кэлэ сылдьар. Кыра кыыһа төрүөҕүттэн хараҕа мөлтөҕө биллэрэ, онуоха былырыын чопчу саҥа диагноһын туруортаран быһаартардылар, Саха сиригэр хаһан да эмтэммэтэх кератоконъюнктивит диэн ыарыы буолар. Ыалдьыбыт киһи хараҕа иһэн тахсар уонна кытарар. Ол эрэн быраастар көмөлөрүнэн аны үтүрүөххэ сэп буолла.

Александра Егорова, Бүлүү олохтооҕо: «Бастакыннан эмтэннибит биһиги. Манна медцентрга үчүгэй баҕайытык көрөннөр-истэннэр. Ынырык сыаналаах эмп пуонда нөҥүө кэпсэтэн, Москва быраастарын кытта эмтээтилэр».

Москваттан харах быраастара көлүөнэттэн көлүөнэҕэ бэриллэр, ону тэҥэ биирдэ эмит көстөр ыарыылары була уонна эмтии кэллиллэр. Үлэ дойдутааҕы "Редкая Экспедиция" диэн бырайыак чэрчитинэн ыытыллар. Ыраах олорор, Арассыыйа киин куоратыгар көтөн көрдөрүнэр кыаҕа суох дьоҥҥо аналлаах. Бу иннинэ 5 региоҥҥа сылдьыбыт эмчиттэр Дьокуускайдааҕы офтальмологическай балыыһаҕа оҕолору көрдүлэр.

Виталий Кадышев, Н.П.Бочков аатынан көлүөнэттэн көлүөнэҕэ бэриллэр ыарыылары үөрэтэр киин офтальмологическай салаатын сэбиэдиссэйэ, мэдиссиинэ наукатын доктора: «С учетом молекулярно-генетических исследований откорректирован и сформулирован новый алгоритм ведения и терапии таких пациентов. Если что-то мы сможем изменить на сегодняшний день в рамках ведения пациента, не только лечебного, но и диагностического, соответственно, мы уже с докторами местными это делаем, сразу записываем медицинские документации и планируем дальнейшее обследование».

Уопуттаах быраастар этэллэринэн Саха сиригэр саамай тэнийбит харах ыарыытынан глаукома буолар. Бу ыарыы нэһилиэстибэнэн бэриллэр. Ол эбэтэр харах давленията үрдээн сытыыта кыччыыр. Эрдэттэн эмтэммэтэххэ көрбөт буолуохха сэп. Онуоха дойду киин куорат быраастара оҕолортон хаан ылан көлүөнэттэн көлүөнэҕэ бэриллэрин чинчийэллэр.

Пантелеймон Аргунов, Дьокуускайдааҕы харах балыыһатын сэбиэдиссэйэ: «Кыракый конференция курдук буолла. Онно дакылааттарын ааҕыахтара. Онно уопсайынан Арассыыйаҕа харах өттүнэн төһө уларыйыылар баалларын. Биһиэхэ төһө генетическай ыарылаах пациент көрдөрөрүн кэпсиэхтэрэ оҕо быраастара».

Москваттан анал быраастаар кэлбиттэрэ мээнэҕэ буолбатах телефону чугастан көрөр оҕолор миопиянан ыалдьыылара 15 быраһыан үрдээбит. Онуоха билиҥҥи ыытыллар үлэ инникигэ харах ыарыытын эмтииргэ олук буолуоҕа. Медиссиинэ сайда турар кэмигэр аныгы технологиянан эмтиир ньыма эмиэ хаҥыыр.