Кыһыл кинигэҕэ киирбит үрүҥ эһэлэри күһүҥҥү ааҕыы Саха сиригэр ыытыллар
Бу сэдэх каадырдар аан бастыктын биһиги эпиирбитигэр көстөллөр. Аллараа Халыма. Курдигино-Кириэстээх ураты харыстанар сир. Үрүҥ эһэ иниспиэктэрдэртэн аҕыйах миэтирэ тэйиччи, хаһыйынныы туттан-хаптан хаамар.
Номнуо 20 сылын бу эйгэҕэ үлэлиир иниспиэктэр Руслан Слепцов күһүҥҥү учуоту ыытар. Кинини кытары аҕатын туйаҕын хатара сылдьар Никита Слепцов кэтиир-маныыр үлэни ыыталлар. Бу хайысхаҕа үлэ бастакы түмүктэри аҕалбыт.
Руслан Слепцов, Биологическай ресурсалар, ураты харыстанар айылҕалаах сирдэр уонна аан айылгылар дириэксийэтин Аллараа Халыматааҕы салаатын судаарыстыбаннай иниспиэктэрэ: «На данный момент мы зафиксировали движение 15 особей разного пола, возраста, в том числе и пяти медвежат».
Исписэлиистэр сиринэн сылдьан учуот оҥороллор. Чуолаан сылдьар аартыктарын, ханан аһыылларын-сииллэрин. Билиҥҥи кэм туругунан бу Аллараа Халыма улууһун, Курдигино-Кириэстээх ураты харыстанар сиригэр дирекция үлэһиттэрэ үрүҥ эһэлэр түөлбэлээбит каарталарын оҥорбуттар. Манна кыһыл кинигэҕэ киирбит эһэбит аартыктанан сылдьар сирдэрэ арылхайдык көстөр. Билигин бу хайысхаҕа үлэ өссө күүһүрэригэр бырайыак оҥоһуллунна.
Саргылана Михайлова, СӨ биологическай ресурсалар, ураты харыстанар айылҕалаах сирдэр уонна аан ыйылгылар дириэксийэтин салайааччытын солбуйааччы: «Президентский фонд природоохранных грантов диэн тэриллибитэ 3 сыла буолан эрэр. Быйыл эһиилги бырайыактарга сайаапкабытын биэрэн олоробут. Өйөөтөхтөрүнэ система реагирования и управление рисками диэни киллэрэр санаалаахпыт».
Онтон үрүҥ эһэ Саха сирин эмиэ биир ураты, сэдэх айылҕа оҕотунан буолар. 2012 сыллаахха бу Руслан Слепцов эһэ оҕотун булбута. Кини дьылҕатын аан Дойду үрдүнэн билэллэр. Саха сирин олохтоохторо кинини Колымаана диэн сүрэхтээбиттэрэ.
Колымаана билигин бэйэтэ ийэ. Быыһааччытын кытары көрсөн турардаах. Онтон Руслан Слепцов билигин да бэриниилээхтик үрүҥ эһэлэр дьылҕаларын кэтиир-маныыр, учуоттуур. Бу бэрт соторутааҕыта Эһэлэр арыыларыгар үөһэнэн учуот үлэтэ ыытыллыбыта. Бу түмүктэрэ 2027 сыллаахха чопчу тахсыахтаахтар.