Саха сиригэр "Точка будущего" ураты үөрэх комплексын аһыллыыта дойду таһымыгар ыытыллынна

Дойду Президенэ Владимир Путин "Точка будущего" үөрэх комплексын аһыллыытыгар өрөспүүбүлүкэ салалтатын ыытар үлэтин үрдүктүк сыаналаата. Ил Дархан Айсен Николаев хамаандата бу социальнай бырайыагы ылсан уһук хоту сир усулуобуйатыгар сөп түбэһинэрэн олоххо киллэрбитэ хайҕаллаах суол диэн бэлиэтээтэ.

Владимир Путин, Арассыыйа Президенэ: «Нужно распространять лучшие практики учителей, управленческие подходы. Использовать потенциал таких передовых учреждений, как ваш образовательный комплекс. Адаптировали этот опыт к непростым, суровым климатическим условиям Якутии».

Точка будущего диэн ураты үөрэх комплекса бу күһүҥҥүттэн аанын тэлэччи аһан үлэтин саҕалаата. Манна оҕо уһуйааныттан саҕалаан оҕолору 8 кылааска диэри үөрэтэллэр. Саҥа үөрэх дьылыгар уопсайа 500-кэ кэриҥэ оҕо киирдэ. Үөрэх кыһата инклюзия оҥкулугар олоҕуран үлэлиир, онон манна доруобуйаларыгар хааччахтаах оҕолор эмиэ үөрэнэр кыахтаахтар.

Руслан Тимофеев, "Точка будущего"  үөрэх комплексын дириэктэрэ: «Ахсыс кылаастан тюторскай хампаанньа диэн үлэлиир. Ол аата биһиэхэ исписэлиистэр оҕону кытары бэйэтин кини тугу баҕарарын, ханна олоххо тугу ситиһэрин диэн үлэлэһэллэр. Күүстээх үлэ ыытыллар социальнай-психологическэй сулууспаннан».

Киэҥ-куоҥ тутууга үөрэх, бассейнаах спорт комплекстара баар, үөрэнэргэ, сайдарга туох баар бары усулуобуйа тэриллибит. Оҕолору оскуолаҕа туһааннаах автобус таһар. Эбии үөрэхтээһиҥҥэ улахан болҕомтону уураллар, оҕолор 20-тэн тахса араас хайысханан дьарыктаныахтарын сөп.

Мичийэ Матвеева, эбии үөрэхтээһин педагога: «Хас биирдии оҕо төрүт дорҕоонтон күүс ылар. Уонна кинилэр билиилэрин хаҥатаннар, чинчийэннэр олус чопчутук ыйыта сатыыллар. Билиэхтэрин, көрүөхтэрин баҕараллар уонна номнуо оҕолор бастакы кыттааһыннара буолбута бу үөрэх кыһата аһылларын саҕана. Буолаары турар күрэхтэргэ кыттыахпытын баҕарабыт».

Ил Дархан Айсен Николаев бу "Саҥа дьиэ" үтүө санаа пуондатын уонна чааһынай инвестордар үптэрин суотугар тутуллубут эбийиэк инфраструктура уонна үөрэх эйгэтин таһымынан ханна да ханыыта суоҕун тоһоҕолоон бэлиэтээтэ.

Айсен Николаев, СӨ Ил Дархана: «Четыре года назад мы здесь забили первую сваю, устанавливали как раз в эти дни. Сейчас появился объект свыше 60 тысяч кв. м. Здесь в ролике показали, но словами не передать, это надо видеть, понимать и счастье родителей, счастье детей».

Бу биир тыһыынчаттан тахса миэстэлээх бырайыак толору кыаҕын кэлэр үөрэх дьылыгар ситиһэн, Уһук Илин бүттүүнүгэр инклюзивнай үөрэхтээһини сайыннарар ресурснай киин буолуоҕа.