Дьокуускайдааҕы Авиационнай училище үбүлүөйдээх 30 сыла
Көҥүл бэриллэн, көтүү саҕаланар. АН-24 самолет халааҥҥа дайар. Бу маннык дьиҥ үөһээ көтө сылдьар усулуобуйаҕа инструктордар курсааннары үөрэтэллэр.
Онтон бу Ми-8 бөртөлүөт манна эмиэ усуолуобуйа халлааҥҥа курдук. Экипаж иһинээҕи үлэтэ манна үөрэтиллэр. Бу курдук Валерий Гришуков аатын сүгэр Дьокуускайдааҕы авиационнай техническай гражданскай авиация училищета төгүрүк 30 сылын исписэлиистэри бэлэмниир. Быйыл үөрэх кыһата үбүлүөйдээх сыла.
Лилия Гоголева, В.И. Гришуков аатынан Дьокуускайдааҕы авиационнай техническай гражданскай авиация училищетын салайааччытын солбуйааччы: «30 сыл тухары 1378 выпускнигы бэлэмнээн таһаардыбыт. Быйылгаттан курсааннарбыт 7 хайысханан үөрэнэ сылдьаллар».
Билигин үөрэх кыһатын выпускниктара төрөөбүт өрөспүүбүлүкэлэригэр, Уһук Илин регион уонна Дойду таһыгар үлэлии-хамсыы сылдьаллар. Устудьуоннар киэҥ билиини, үрдүкү таһымнаах исписэлиис буолалларыгар усулуобуйа барыта тэриллибит.
Күн бүгүн үөрэх кыһатыгар 391 курсаан, онтон 171 быйыл саҥа туттарсан киирбит оҕолор. Ааспыт сылга 85 оҕо училищены бүтэрбит. Үөрэх 3 сыллаах
Гаврил Матвеев, В.И. Гришуков аатынан Дьокуускайдааҕы авиационнай техническэй гражданскай авиация училищетын преподавателэ: «Бөртөлүөт оҥоһуутун, туох киирэрин үөрэтэллэр. Хайдах көтөргө бэлэмнииллэрин игин».
Ньурбаттан төрүттээх Александр Тогонохов быйыл үөрэҕин бүтэрэр. Көтөр ааллары ис-иһиттэн билэн оҥорор, механик идэтигэр буһа-хата сылдьар.
Александр Тогонохов, В.И. Гришуков аатынан Дьокуускайдааҕы авиационнай техническай гражданскай авиация училищетын 3 кууруһун устудьуона: «Улууспар бөрөлүөт турар, муляж. Иһин киирэн көрүөхпүн баҕарааччым. Үөрэхпэр киирэн баран барытын биллим, көрдүм. Бөртөлүөтү билигин көтүтүөхпүн да сөп».
Онтон история кэрэһэлииринэн училище 90-сыллар ыһыллыы-тоҕуллуу кэмигэр үлэтин саҕалаабыт.
Валерий Бурнашев, В.И. Гришуков аатынан Дьокуускайдааҕы авиационнай техническэй гражданскай авиация училищетын преподавателэ, СӨ тырааныспарга туйгуна, СӨ үөрэҕириитин туйгуна: «Михаил Ефимович Николаев олус муударай хаамыыны оҥорон быһаарыытынан оҥоһуллубута».
30 сылы уҥуордаан училище билигин Санкт-Петербургтааҕы авиация университетын филиалынан буолар. Манна Саха сириттэн эрэ буолбакка, Дойду атын регионнарыттан кэлэн үөрэнэллэр. Тоҕо диэтэр - үөрэтии үрдүк таһымҥа.