Тоҥоруу иннинэ өрүһүнэн бүтэһик сырыылар

Сылаас күн-дьыл турар буолан өрүһүнэн сырыы харгыһа суох бара турар. 204 түөлбэ биэрэгиттэн дьону тиэммит катердар сотору-сотору айанныыллар. Суудуналар саҥа ый бастакы күннэригэр халлаан улаханнык тымныйа илик кэмигэр диэри айанныахтара.

Билигин катердарга айан төлөбүрэ 400. Онтон алтынньы бастакы күнүттэн 500 диэри солкуобайга эбиллиэҕэ. Сүрүн төрүөт - өрүскэ уу таһыма намыһах буолан сырыы суола уһаата. Катердар сарсыарда 7:00 киэһэ 19:00 чааска диэри үлэлииллэр. Аллараа Бэстээхтэн дьону катердар уонна тимир суол пассажирдарын тиэйэр теплоход таһар.

Сотору быыһык кэмҥэ үгэс быһыытынан салгын олбохтоох суудуналар сылдьан саҕалыахтара. Билигин суудуна ыытааччылара тиэхиньикэлэрин бүтэһик бэлэмнэниитин аһарда сылдьаллар. Алгыс Наумов бу тыраанспарга үлэлээбитэ уонтан тахса сыл буолла. Саас сезон бүтээтин кытары тиэхиньикэлэрин өрөмүөнүн саҕалыыллар.

Алгыс Наумов, суудуна ыытааччыта: «Составляем список нужных запчастей на завод, ожидаем. Приходят, начинаем собирать. Там уже в процессе смотрим по корпусу, где-то что-то надо починить, подклепать, заварить. Систематически каждый год всё чиним, усиливаем, что-то сами изготавливаем».

Алтынньы ортотуттан 28 ирбис үлэлии тахсара күүтүллэр. Айан төлөбүрэ ааспыт сылтан уларыйбакка 2500 тыһыынча буолара күүтүллэр диэн "Ленаводсервис" тэрилтэҕэ иһитиннэрэллэр. Оттон билигин Саха сирин өрүстэригэр таһаҕаһы тиэрдии салҕанар.

Семён Коркин, СӨ тырааныспар уонна суол-иис хаһаайыстыбатын миниистирин бастакы солбуйааччы: «Хоту улууска навигациябыт баран иһэр. 316 тыһ. туонна таһаҕаһы таһыахтаахпыт. 96% номнуо ыытылынна. Индигиркаҕа, Янаҕа уустуктар бааллар этилэр. 6000 курдук сиикэй нефти Хаандыгаҕа илдьиэхтээхпит. Чокурдаахха 6000 курдук таас чоҕу хааллардыбыт. Кыһынын тиэйиллэрин курдук».

Оттон паром сырыыта үүнэр ый 18-20 чыыһылатыгар диэри салҕаныаҕа. Онтон ледоколлаах 3 суудуна тахсан ый бүтүөр диэри айанныаҕа, салгыы таһаҕаһы тиэйии салҕанара күүтүллэр.