Баһаартан сэрэхтээх буолуу ыйынньыга өрөспүүбүлүкэҕэ барар

Суһал суоһаата тыас иһиллэн баһаартан сэрэтэр Дойду таһымнаах үөрэтии саҕаланар. Дьиҥ уот турбутун курдук буруо ыытылыллан, эвакуация саҕаланар. Номох быһыытынан кылааска уот умайан баһаар саҕаланар

Бүгүҥҥү баһаартан утары уөрэҕи Тулагы орто оскуолатыгар Перьм куораттан кэлэ сылдьар анал уоту тары ассоциация, Саха өрөспүүбүлүкэтин баһаары утары сулууспата уонна ВДПО бүтүн Арассыыйатааҕы бэйэ баҕа өттүнэн баһаарынай кэтэбил уопсастыбата бары биир сомоҕо буолан ыыттыллар.

Лена Алексеева, СӨ баһаары утары сулууспатын профилактика салаатын сүрүннүүр инженерэ: «Искусственнай буруо. Оҕолор баһаар хайдах буоларын билэллэрин курдук. Маннык бэлэмнэнии сыыһалары игин көрдөрөр».

Суһал куотааһыны кытары бу күн нэһилиэк 7 нүөмэрдээх баһаарынай чааһа оскуола оҕолоругар эмиэ үөрэтиилэри ыытта. Тустаах үөрэх кыһата баһаартан сэрэхтэтэх буолууга улахан болҕомтотун ууран бу тэрилтэни кытары ыкса үлэлэспитэ хаһыс да сылыгар барда.

Светлана Тимофеева, П.И.Кочнев аатынан Тулагы орто оскуолатын дириэктэрэ: «Перьм куораттан кэлэн үөрэтии ыыттылар. Уопсай 642 оҕо, 42 үлэһит кыттыыны ыллылар».

Манна чопчулаан эттэххэ, Перьм курдук куораттан үөрэтии Президент граанын чэрчитинэн ыытылынна. Бу уобалас ньыматын Арассыыйа ыксаллаах быһыыы-майгы министиэристибэтин университета болҕомтоҕо ууран Дойду үрдунэн улахан баһаарынай оонньуу диэн ааттан уопутун регионнарга тарҕатар. Саха сиригэр ыкса үлэ ВДПОну кытары ааһар.

Светлана Находкина, Россиятааҕы бэйэ баҕа өттүнэн баһаарынай кэтэбил уопсастыбатын Саха сиринээҕи салаатын сүрүннүүр инструктора: «Биһиэхэ оборудованиены буор-босхо туттаран биэрбиттэрэ. Мантан ыла оборудованиябыт биһиэхэ хаалар уонна салҕыы Өрөспүүбүлүкэбитигэр баар буолуо».

Салҕыы маннык үөрэхтэр Дьокуускай куорат оскуолаларыгар балаҕан ыйын устата ыытыллыахтара. Онтон бастакы хараҥаччы - Тулагы орто оскуолата буолар.