Оҕуруот уонна сир аһа ситтэ

Бааһынай ырыынагар атыы үгэнэ. Олохтоох оҕурот аһа атыыга номнуо тахсыбыт.  Манна оҕурсу, помидор, пиэрэс 1  хомуурдар.  Атыыһыттар урукку сыллардааҕар оҕуруот аһын ситиитэ быйыл өссө хойутаата дииллэр. Саха сирин олохтоохторо бэйэ үүннэрии аһыгар олус үөрэллэр, элбэхтэ ылаллар.

Надежда Павлова, атыылаһааччы: «Саха сиригэр олорор дьоҥҥо күндү. Кыһынын кэлии оҕуруот аһын сиэн. Билигин сибиэһэй тахсыбытыгар дьон барыта ырыынакка кэлэллэр».

Оҕуруот аһын сыаната дьыл кэмиттэн уларыйар. Хаһан даҕаны бэйэ үүннэриитэ аҕалбыттарынааҕар быдан сыаналанар, ол иһин билигин сибиэһэй ас сыаната үрдээн турар кэмэ.

Оҕуруот аһын тэҥэ сир аһа ситтэ. Дьон сэргэ номнуо дьэдьэннэттэ. Саха Өрөспүүбүлүкэтин тустаах министиэристибэтэ сыл аайы  сир аһын хомууругар көҥүл болдьоҕун олохтуур.  Холобура, Хаҥалас уонна Нам улуустара от ыйын 11 күнүттэн саҕалыыллар. Улуус аайы сир аһа араас үүнэр усулуобуйалаах  ол иһин барытыгар атын атын күннэргэ саҕаланар.

Варвара Федорова, ойуур хаһаайыстыбатын департаменын салайааччытын  солбуйааччы: «Биһиги сир аһа ситэр кэмин кэтээн көрөбүт, ол кэннэ сөбүлэҥ ылабыт уонна уопсай дьаһал тахсар. Билигин киин улуустарга уонна илин эҥэр улуустарга кыһыл хаптаҕаһы уонна дьэдьэни хомуйан саҕалыахха сөп. От ыйын 10-15 чыыһылаларыгар Бүлүү бөлөххө уонна соҕуруу улуустарга хойутуу ситиэхтэрэ».

Болдьоҕу кэһиигэ ыстараап олохтонор. Кэһии олохтоох дьаһалтата хонтуруоллуур, ыстараап 200 солкуобайтан саҕаланар.