Дьокуускайга бүтүн Арассыыйатааҕы буоксаҕа күрэх бу нэдиэлэ устата ыытыллар

Дьокуускайга "Кыайыы 50 сыла" успуорт дыбарыаһыгар Саха Өрөспүүбүлүкэтин боксаҕа федерациятын бэрэсидьиэнэ Александр Федотов кэриэһигэр бүтүн Арассыыйатааҕы буоксаҕа күрэхтэһии улахан эппиэтинэстээх түһүмэҕэ ыытылла турар.  От ыйын 7 күнүгэр аан бастакы киирсиилэр уонна күрэх үөрүүлээх аһыллыыта буолан ааста.

Леонид Спиридонов, Саха Өрөспүүбүлүкэтин физическай култуураҕа уонна спортка миниистирэ: «Александр Иванович, билэргит курдук, буокса федерациятын салайбыта, ол кэмигэр сүрдээх элбэх үлэни ыыппыта. Ол иһин кинини ахтан бу күрэхтэһиини тэрийэ сылдьабыт. Бүгүн 40-чэ спортсмен кэлэн кытта сылдьар. 11 регионтан спортсменнар кытталлар. Манна кыайбыт спортсменнар Арассыыйа чемпионатыгар путевка ылаллар».

Федотов аатынан турнирга Саха сирин хамаандатын 18 боксёр билиһиннэриэҕэ: 15 уол уонна 3 кыыс. Ону тэҥэ  Арассыыйа араас регионнарыттан курэхтэһэ кэлбиттэр. Бүгүннү күннэ 40 спорстмен кэлэн кытта сылдьар. Спортсменнар бары олус күүстээх бэлэмнээхтэр уонна кыайыыга дьулуурдаахтар.

Илья Иванов, Саха сирин сүүмэрдэммит хамаандатын тренера: «Арыллыы буолла, 5 пара киирсэр. 54 киилэҕэ номнуо кииристилэр. Ким Арассыыйаҕа күрэхтэһэ барарын быһаарсыы буолуохтаах».

Курэхтэһии эр дьон Арассыыйа чемпионатын иннинээҕи түһүмэҕэ буолар. Ол иһин нэдиэлэ устата кыттааччылар бэйэлэрин туох баар күүстэринэн уонна кыахтарын кыайыыга дьуллуһаллар. Бастакы күн түмүгүнэн 54 киилэҕэ Андрей Егоров уонна Тимур Стручков финалга тагыстылар.

Тимур Стручков, Челябинскай уобаластан кыттааччы: «Бастакы киирсиини кыайдым. Аныгыскы киирсиим 11 чыыһылаҕа финалга. Саамай сүрүн Арассыыйа күрэхтэһиитигэр кыттыыга путевка биэрэр. Сылга биирдэ буолар. Хайаан да бастыахха наада».

Инникитин буокса турнира өссө тупсан, саҥа таһымҥа тахсыахтаах. Бу курэхтэһиини өссө тупсаран, элбэх региону хабан, күрэхтэһии таһымын кэҥэтэр былааннаахтар.